Bıyl Almatyda jemqorlyqtyń kýágeri bolǵan 6 azamatqa 4 mln 486 myń teńge somasynda syıaqy berilgen.
Bul týraly QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti málimdedi, dep habarlaıdy aqshamnews.kz.
«Jemqorlyq týraly habarlaǵan adamǵa beriletin syıaqynyń kólemi ártúrli. Para nemese keltirilgen zalal somasy 1 myń aılyq eseptik kórsetkishten (3 mln. 692 myń teńge) aspaıtyn bolsa 30-dan 100 aılyq eseptik kórsetkishke deıin syıaqy (110 760 teńgeden 369 200 teńgege deıin) beriledi. Kórsetilgen somadan joǵary bolsa –paranyń 10%-yna teń bolady, biraq 4 myń aılyq eseptik kórsetkishten aspaýy qajet (14 mln. 760 myń teńge)», delingen departamenttiń habarlamasynda.
Syıaqynyń eń kóbi - 3 mln. 745 myń, para somasynyń on paıyzyna teń bolǵan.
Departamenttiń aıtýynsha sybaılas jemqorlyqtyń, para berýdiń kýási bolǵan azamattar «E-ótinish» aqparattyq júıesi arqyly ótinish qaldyrýlaryna bolady nemese Sybaılas jemqorlyqqa qarsy qyzmettiń 1424 Call-ortalyǵyna habarlasa alady.