Bul jumys berýshilerge úmitkerdi jan-jaqty tekserýge múmkindik beredi
Sybaılas jemqorlyqqa qarsy qyzmet jemqorlardyń tizimin jarıalaýdy josparlap otyr, dep habarlaıdy Almaty-akshamy.kz vedomstvonyń baspasóz qyzmetine silteme jasap.
Tizimde jemqorlyq úshin sottalǵan adamnyń barlyq deregi kórsetiledi.
Bul jumys berýshilerge úmitkerdi jan-jaqty tekserýge múmkindik beredi.
Jemqorlyqqa qarsy saıasatty jetildirýge baǵyttalǵan zańnamalyq bastamalar Sybaılas jemqorlyqqa qarsy is-qımyl agenttiginiń Shyǵys Qazaqstan oblysyndaǵy qoǵamdyq keńesiniń otyrysynda aıtyldy.
"Jemqorlyq quqyq buzýshylyqtar jasaǵany úshin zańdy tulǵalardyń jaýapkershiligin kúsheıtý usynyldy. Sondaı-aq parlamentte para berý ýádesi men usynysyn krımınalızasıalaý máselesi qaralýda", - dep jazylǵan habarlamada.
Zańdarǵa engizilgen bul ózgerister GREKO, EYDU sıaqty bedeldi halyqaralyq uıymdardyń usynysy boıynsha daıyndalǵan.