Eski kólikterdi qaıta óńdeýge qabyldaý jeltoqsannyń ortasynda bastalady, dep habarlaıdy aqshamnews.kz ekologıa mınıstrligine silteme jasap.
Ótinimder «Jasyl Damý» AQ portaly arqyly qabyldanady. Kólik ıeleri kólikterin tasymaldaýshyǵa satý nemese qabyldaý pýnktine óz betimen tapsyra alady. Ýtılızasıa úshin jeńildik sertıfıkaty nemese aqshalaı syıaqy beriledi.
Sertıfıkat somasy jeńil kólikter úshin 315 000 teńgeden bastalady. Tolyq ereje jaqyn arada jarıalanady.
Ekologıa mınıstrliginiń Qaldyqtardy basqarý departamentiniń málimetinshe, eski avtomobıldi tapsyrǵany úshin kólik ıelerine otandyq kólik satyp alý úshin jeńildik sertıfıkaty nemese aqshalaı teń soma beriledi.
Tólem mólsheri mynadaı:
Jeńil kólik — 315 000 teńge;
Mıkroavtobýs — 550 000 teńge;
Avtobýs — 750 000 teńge;
12 tonnaǵa deıingi júk kóligi — 550 000 teńge;
Aýyr júk kólikteri — 750 000 teńge;
Traktor — 560 000 teńgeden 1 mln teńgege deıin;
Kombaın — 1.5–2 mln teńge.