«Qazgıdromet» RMK-sy jeltoqsannyń 31-i kúngi aýa raıy boljamyn jarıalady, dep habarlaıdy almaty-akshamy.kz
Kásiporynnyń boljamyna sáıkes, keń aýqymdy, sýyq antısıklon Qazaqstan terıtorıasynyń basym bóliginde jaýyn-shashynsyz aýa raıyn qalyptastyrady. Tek batys jáne ońtústik aýdandarda atmosferalyq frontaldy bólikterdiń ótýine baılanysty qar, ońtústikte jaýyn-shashyn (jańbyr, qar) jaýýyna yqpal etedi.
Respýblıka boıynsha keı jerlerde tuman túsedi. Almaty oblysynyń soltústiginde tuman túsip, Alakól mańynda jeldiń kúshi 18-23 m/s-qa jetedi.
Qyzyolrda oblysynyń soltústiginde tuman túsip, túnde ortalyǵynda jeldiń sekýndyna kúshi 15-20 metrge jetedi.
Jambyl oblysynyń soltústigi men taýly aýdandarynda tuman túsip, jeldiń kúshi sekýndyna 15-20 metr bolady.
Shyǵys Qazaqstan oblysynyń soltústigi men ońtústiginde tuman túsip, túnde ońtústiginde jel kúsheıedi, kúshi 15-20 m/s.
Aqmola oblysynyń ońtústigi men batysynda, Soltústik-Qazaqstan, Pavlodar oblystarynyń ońtústiginde, Túrkistan oblysynyń taý jáne taýly aımaqtarynda, Batys Qazaqstan, Atyraý oblystarynyń soltústik-batysynda, Mańǵystaý oblysynyń ortalyǵynda, Qostanaı oblysynyń shyǵysynda tuman túsýi yqtımal.