2024 jyldyń 4 jeltoqsanynda M.Mámetova atyndaǵy №28 mektep-lıseıde Táýelsizdik kúnine oraı uıymdastyrylǵan «Jeltoqsan – táýelsizdik jarshysy» jáne 11 jeltoqsanda ótken «Jeltoqsan – Táýelsizdigimizdiń uly rýhy» atty kezdesýler erekshe mánge ıe boldy. Bul is-sharalar Jeltoqsan kóterilisiniń tarıhı mańyzy men táýelsizdik jolyndaǵy kúresti ulyqtaı otyryp, jastardy otansúıgishtikke tárbıeleýge baǵyttaldy.
Kezdesýler barysynda Jeltoqsan oqıǵasynyń elimizdiń táýelsizdikke jetý jolyndaǵy alǵashqy qadam ekendigi keńinen talqylandy. Qıyn-qystaý kezeńde alańǵa shyqqan qazaq jastarynyń qaısar rýhy men erligi qazirgi urpaqqa úlken sabaq. Jeltoqsan kóterilisi – ulttyq sana-sezimniń qaıta jańǵyrýynyń nyshany bolyp, ult tarıhynda óshpes iz qaldyrǵan oqıǵa.
Kezdesýdiń qurmetti qonaqtary Jeltoqsan oqıǵasyna qatysqan batyr qyzdarymyzdyń biri Satambaeva Gúlnár Ábenqyzy, oqıǵa kýágerleri ári ustazdar Telkaraev Qalıbek Nurǵazıevıch pen Ótenázov Nádir Ábjanovıch boldy. Olar Jeltoqsan oqıǵasy kezindegi qıyndyqtar men kúres joly týraly jastarǵa áserli áńgimeler aıtty. Qonaqtardyń estelikteri oqýshylardyń boıynda otansúıgishtik rýhty oıatyp, tarıhqa qurmetpen qaraýǵa shaqyrdy.
Kezdesý aıasynda 5-synyp oqýshylaryn «Jas ulan» balalar men jasóspirimder uıymyna, al 2-synyp oqýshylaryn «Jas Qyran» uıymyna qabyldaý rásimi ótti. Bul rásim jas urpaqtyń otansúıgishtik rýhyn qalyptastyryp, eliniń patrıoty bolýǵa degen nıetin kúsheıtti.
Kezdesý oqýshylardyń oryndaýyndaǵy ánder men óleńderge ulasty. «Táýelsizdik el urany» áni men Muqaǵalı Maqataevtyń «Babalarym, raqmet saǵan» óleńi tyńdaýshylardyń júreginde tereń iz qaldyrdy. Bul shyǵarmalar táýelsizdiktiń mańyzyn jastardyń sanasyna sińirýge septigin tıgizdi.
Kezdesý barysynda lıseı dırektory Medetbekova Aısulý Temirǵalıqyzy Jeltoqsan oqıǵasynyń tarıhı mańyzdylyǵyn atap ótip, kýágerlerge alǵys bildirdi. Sonymen qatar, M.Mámetovaǵa arnalǵan «Jaýyngerlik dańq» murajaıynyń jastardy patrıottyqqa tárbıeleýdegi róli erekshe atap ótildi. Bul murajaı el táýelsizdigi úshin kúresken batyrlardyń erligin urpaq jadynda saqtaýǵa baǵyttalǵan.
Kezdesý barysynda Jeltoqsannyń bozdaqtaryn eske alý úshin bir mınýt únsizdik jarıalandy. Bul is-shara Jeltoqsan kóterilisiniń tarıhı mánin ulyqtap, búgingi urpaqtyń ulttyq sana-sezimin arttyrýǵa úlken úles qosty. Jastardyń júreginde táýelsizdik rýhy máńgilik saqtalyp, el bolashaǵy úshin osyndaı taǵylymdy sharalardyń mańyzy zor.