Tańerteń Táýelsizdik monýmentiniń aldynda qala ákimdigi, Ardagerler keńesi, belsendiler men qoǵam qaıratkerleri jáne 1986 jylǵy jeltoqsan oqıǵasyna qatysýshylardyń qatysýymen gúl qoıý rásimi ótti, dep habarlaıdy aqshamnews.kz.
Almaty qalasy densaýlyq saqtaý basqarmasynyń mindetin atqarýshy Asıa Aqanova barsha almatylyqtardy osy mańyzdy merekemen quttyqtady.
– Densaýlyq saqtaý basqarmasy atynan Táýelsizdik kúnimen shyn júrekten quttyqtaımyn! Elimizde árdaıym beıbitshilik pen tynyshtyq bolsyn! – dedi ol.
Almaty qalasynyń jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov ta almatylyqtardy Táýelsizdik kúnimen quttyqtady.
– Barsha almatylyqtardy Táýelsizdik kúnimen quttyqtaımyn! Bizdiń qala – egemendiktiń altyn besigi. Bul mereke elimizdiń amandyǵy men tynyshtyǵyn beınelesin. Táýelsizdik máńgilik bolsyn, – dedi ol.