Áleýmettik jelide Nurlan Qoıanbaevtyń feık suhbaty tarady, dep habarlaıdy almaty-akshamy.kz stopfake.kz silteme jasap.
«Jalǵan suhbat» týraly maqala jarıalanǵan saıt syrttaı NUR.KZ resýrsyna uqsas etip jasalǵan, degenmen oǵan eshqandaı qatysy joq.
Maqalada paıdalanylǵan sýretter – Rýslan Shaekınniń YouTube arnasyndaǵy vıdeodan jasalǵan skrınshottar.
Maqalanyń mazmuny jalǵan, onyń maqsaty krıptovalúta saýdasyna arnalǵan platformany jarnamalaý bolyp tabylady. Oqyrmandarǵa az ýaqyt ishinde tez jáne kóp tabys tabý usynylady, biraq bul úshin aldymen depozıt salý kerek. Vıdeo suhbattyń túpnusqasynda Nurlan Qoıanbaev krıptovalúta, qandaı da bir ınternet-resýrstardaǵy saýda jasaý týraly aıtpaıdy. Rýslan Shaekınmen áńgimelesý barysynda ol ózi týraly aıtyp, kınoındýstrıa jaıly oı qozǵaıdy.
Osy sıaqty jalǵan suhbat-maqalalar Jelide buǵan deıin de taraǵanyn aıta ketken jón. Mysaly, Qazaqstanda tanymal tulǵalar, onyń ishinde qarjy mınıstri men QR premer-mınıstri suhbat berip, sıfrlyq aqshamen saýda jasaýǵa arnalǵan botty jarnamalaǵan. Mundaı maqalalardyń mátini paıdalanýshylardyń nazaryn aýdarý jáne olardy aqsha jumsaýǵa ıtermeleý úishn bir úlgide jazylǵan.
Mundaı oıdan shyǵarylǵan «sensasıalarǵa» senbegen jón.