What’sApp messendjerinde «erteńnen bastap» barlyq qońyraýlar men messendjerlerdegi hat-habarlardy jazyp alýǵa, sondaı-aq áleýmettik jelilerdegi belsendilikti qadaǵalaýǵa múmkindik beretin «jańa komýnıkasıa erejeleri» qoldanysqa engiziletini týraly aqparat taǵy da tarady. Bul feık, dep habarlaıdy Almaty-akshamy.kz.
Bul aqparat Qaznette 2022 jyldyń qańtarynda keńinen taraǵan bolatyn. Ol kezde habarlama QR Ulttyq qaýipsizdik komıteti atynan usynǵan edi. Vedomstvo munyń bári ótirik jáne «elimizde jańa komýnıkasıa erejeleri joq» dep málimdedi.
Sondaı-aq bul aqparat QR Ulttyq qaýipsizdik komıtetiniń ataýynsyz Reseıde taralǵan bolatyn. Ol da jalǵan dep tanylyp, aqparat joqqa shyǵaryldy.
Aıta keteıik, qazirgi kezde taralyp jatqan mátinde feık aqparattyń barlyq belgileri bar. Onda «jańa komýnıkasıa erejeleri» engiziletin kún, memleket kórsetilmegen jáne derekkózge silteme jasalmaǵan.
Demek, bul aqparatqa senýdiń qajeti joq.