Pavlodar oblysynda qatty jelden mektep pen ákimshilik ǵımarattyń shatyry ushyp ketti, dep habarlaıdy Almaty-akshamy.kz BAQ.KZ -ke silteme jasap.
Saǵat 04.15-te daýyl Baıanaýyl aýdany Jańatilek aýylynda úsh qabatty B.Haıdarov atyndaǵy jalpy orta mekteptiń shatyryn jartylaı ushyp áketti. 51 sharty metr aýmaqqa zaqym keldi. Saǵat 06.30-da Pavlodar qalasynda 1440 sharshy metr aýmaqtaǵy tórt qabatty ákimshilik ǵımarattyń shatyry ushyp ketti. Ǵımarat 1980 jyly salynǵan, sońǵy ret byltyr jóndeý júrgizilip, jumystar sol kúıi aıaqtalmaǵan. Qaza bolǵandar men zardap shekkender joq - delingen habarlamada.
Sonymen qatar, Maı aýdanynyń bes eldi mekeninde (Baskól, Keńtúbek, Maıtúbek, Aqjar jáne Kóktóbe aýyldary) elektr energıasy apatty jaǵdaıda sóndi. Abonentter sany naqtylanyp jatyr. Apat saldaryn joıýǵa 15 maman jumyldyryldy.
Sonymen qatar 16 eldi mekenniń turǵyndary jaryqsyz qaldy: Aqqýly aýdanyndaǵy Besqaraǵaı, Jambyl, Jańatań, Áıteı, Sharbaqty, Tosaǵash, Jabaǵyly, Qazy, Malybaı, Qazantaı, Maıqaraǵaı Merǵalym, Shaqa, Shoqtal aýyldary; Aqqýly men Iamyshevo aýyldarynda ishinara jaryq óship qaldy. Abonentter sany anyqtalýda. 12 maman apatty joıýǵa kiristi.