Jeńis kúni – san myńdaǵan urpaq úshin uly mereke. Bıyl adamzat tarıhyndaǵy eń surapyl, joıqyn soǵys – Uly Otan soǵysynyń aıaqtalǵanyna 80 jyl tolyp otyr. Babalarymyzdyń qany, ananyń kóz jasymen kelgen jeńistiń quny joǵary. Zymyraǵan ýaqyttyń qanatynda mine, Jeńistiń 80-shi kóktemi de kelip jetti. Atalmysh merekege oraı, Almaty qalasy, Jetisý aýdanyna qarasty №108 mektep-gımnazıasynda «Jelbireı ber, Jeńis týy, máńgilik!» atty is-shara ótkizildi.
Maqsaty: Uly Jeńistiń 80 jyldyq merekesine oraı oqýshylardy óz Otanyn, elin, jerin súıýge, táýelsiz eldiń týyn bıikke kóterýge, elimizdiń batyrlarynyń maıdanda, tylda kórsetilgen eren eńbegin qurmetteýge, Otanyn qorǵaı bilýge tárbıeleý.
Bul is-shara óskeleń urpaqty patrıottyq tárbıeleýdiń mańyzdy bóligine aınaldy jáne batyrlarymyzdyń ólmes erligin eske salady. Saltanatty jıynǵa «Ardagerler uıymy» respýblıkalyq qoǵamdyq birlestiginiń Jetisý aýdandyq fılıalynyń tóraıymy Shakırova Tamara Mýhtarhanovna, Ulttyq qaýipsizdik komıtetiniń shekara áskerleriniń qurmetti ardageri Ertyshpaev Qazaqbaı Zeınýlovıch, general-maıor, Qazaqstan qarýly kúshteriniń ofıserler qoǵamynyń tóraǵasy Telegýsov Mahmýd Ýtegenovıch, Aýǵan soǵysynyń ardageri, polkovnık, Qazaqstan qarýly kúshteriniń ofıserler qoǵamynyń tóraǵasynyń orynbasary Halafov Gabıl Imameddınovıch, Jetisý aýdany mektepteriniń alǵashqy áskerı daıyndyq páni muǵalimderi qatysty. Bul is-shara óskeleń urpaqty patrıottyq tárbıeleýdiń mańyzdy bóligine aınaldy jáne batyrlarymyzdyń ólmes erligin eske salady.
Uly Otan soǵysyndaǵy Jeńistiń 80 jyldyǵyn merekeleý aıasynda Uly Otan soǵysynyń batyry, general-maıor Tólegen Toqtarovtyń esimimen atalǵan kóshede mektebimizdiń oqýshylarynyń qatysýymen memorıaldyq taqta ornatyldy.
Sonymen qatar, Uly Jeńistiń 80 jyldyǵyna baılanysty "URPAQQA URAN BOLǴAN ULY JEŃİS" taqyrybynda sýret, esse, kórkemsóz oqý jáne patrıottyq ánder baıqaýy ótkizildi.
Mektep basshysy Áldiǵazy Rýfınat Bekdaıyrqyzy sóz sóılep, kelgen qonaqtarǵa rızashylyǵyn bildirdi. Mektep josparyna sáıkes uıymdastyrylǵan saltanatty is – shara áserli ótti!
Judyryqtaı jumylyp, bilekteı birikken mektep muǵalimderi men oqýshylarymyzǵa myń alǵys!
Almaty qalasy, Jetisý aýdany №108 mektep-gımnazıasynyń qazaq tili men ádebıeti páni muǵalimi: Bertıleýova G.E.