"Qazgıdromet" 2024 jylǵy 23 qyrkúıek, dúısenbige Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljam usyndy, dep habarlaıdy aqshamnews.kz
Sınoptıkterdiń málimetinshe, atmosferalyq fronttardyń áserinen elimizdiń basym bóliginde turaqsyz aýa raıy saqtalady – jańbyr jaýady, ońtústik-batys pen ońtústik-shyǵysta naızaǵaı oınaıdy.
"Respýblıka batysy men ońtústiginde antısıklonnyń yqpalymen jaýyn-shashynsyz aýa raıy kútiledi. Jalpy, Qazaqstanda jeldiń kúsheıýi boljanýda, batys, shyǵys jáne ońtústik-shyǵys taýly aımaqtarynda túnde jáne tańerteń tuman túsedi", – dep habarlady "Qazgıdromet" ókilderi.
Aqtóbe, Qaraǵandy, Ulytaý oblystarynda jáne Jetisý oblysynyń batysynda, sonymen qatar Batys Qazaqstannyń soltústigi men soltústik-shyǵysynda, Qyzylorda oblysynyń soltústik-batysynda, Jambyl oblysynyń ońtústik-batysy men ońtústik-shyǵysynda, Shyǵys Qazaqstannyń batysy, ortalyǵy men ońtústiginde, Qostanaı oblysynyń ońtústiginde, Almaty oblysynyń batysy men ortalyǵynda, Abaı oblysynyń shyǵysynda joǵary órt qaýpi saqtalady.
Mańǵystaý, Atyraý, Túrkistan, Qyzylorda, Jambyl, Batys Qazaqstan oblystarynda, sondaı-aq Ulytaý oblysynyń soltústigi men ońtústiginde, Abaı oblysynyń ońtústiginde, Jetisý oblysynyń soltústigi men ortalyǵynda, Qaraǵandy oblysynyń batysy men shyǵysynda, Aqtóbe oblysynyń batysy, ońtústigi men ortalyǵynda jáne Almaty oblysynyń soltústiginde óte joǵary órt qaýpi saqtalady.