6 tamyz kúni Tour of World Class Almaty velojarysynyń ótýine baılanysty qalada keıbir joldar jabyq bolady, dep habarlaıdy almaty-akshamy.kz
2023 jylǵy 6 tamyzda Almatyda Tour of World Class Almaty velojarysy – áýesqoı velosıpedshilerge arnalǵan jarys ótedi, onda árbir qatysýshy ózin naǵyz veloshabandoz retinde sezinip, óziniń barlyq múmkindikterin kórsete alady.
Velojarys sóresi «ALMATY ARENA» kópfýnksıonaldy kesheniniń aýmaǵynda bastalady. Tour of World Class Almaty uıymdastyrý komıteti megapolıs turǵyndary men qonaqtaryna velojarys kúni jarys ótkiziletin jerlerdegi joldardyń keıbir bólikterinde qozǵalys ishinara jabylatyny týraly habarlaıdy.
Kólik qozǵalysy kelesi kóshelerde shekteledi:
Momyshuly kóshesinen Dospanova kóshesine deıingi ALMATY ARENA-ǵa irgeles joldyń qysqa bóligi 6 tamyzda saǵat 02:30-dan 17:30-ǵa deıin eki baǵytqa da jabylady.
Dospanova kóshesimen aınalma joldan Adnan Menderes kóshesine deıingi qozǵalys eki baǵytta da saǵat 06:00-den 09:50-ge deıin jabylady.
Momyshuly kóshesi boıynsha Adnan Menderes kóshesinen Móńke Bı kóshesine deıingi qozǵalys 06:00-den 09:50-ge deıin jabylady.
Momyshuly kóshesinen Móńke Bı kóshesi boıymen Momyshuly kóshesiniń jalǵasyna deıingi qozǵalys 06:00-den 09:50-ge deıin jabylady.
Momyshuly kóshesi boıynsha Móńke Bı kóshesinen BAK boıyndaǵy kóshege deıingi qozǵalys 06:00-den 09:50-ge deıin jabylady.
BAK boıyndaǵy Momyshuly kóshesi boıymen ekologıalyq beketke deıingi qozǵalys 06:00-den 09:00-ge deıin jabylady.
Indýstrıalyq aımaqtyń aınalasyndaǵy qozǵalys 06:00-den 09:00-ge deıin jabylady.
Derekter velojarysqa qatysýshylardyń qozǵalys ýaqytyn utymdy bólýdi eskere otyryp engizildi.
Joldardyń jabylýyn eskere otyryp, ońtaıly marshrýtty tabý úshin siz 2GISqosymshasyn paıdalana alasyz.
İs-shara kúni qoǵamdyq kólik qúndelikti rejımde jumys isteıdi.
Tour of World Class Almaty 2023 velojarysynda kelesi kósheler jabylady.
|
6 tamyz 2023 j |
|
|
02:30-dan 17:30-ǵa deıin |
Momyshuly kóshesinen Dospanova kóshesine deıingi ALMATY ARENA-ǵa irgeles joldyń eki baǵytqa da qysqa ýchaskesi |
|
06:00-den 09:50-ge deıin |
Dospanova kóshesi (saqınadan Adnan Menderes kóshesine deıin eki baǵytta) |
|
06:00-den 09:50-ge deıin |
Momyshuly kóshesi (Adnan Menderes kóshesinen Móńke Bı kóshesine deıin) |
|
06:00-den 09:50-ge deıin |
Móńke bı kóshesi (Momyshuly kóshesinen Momyshuly kóshesiniń jalǵasyna deıin) |
|
06:00-den 09:50-ge deıin |
Momyshuly dańǵyly (Móńke Bı kóshesinen BAK boıyndaǵy kóshege deıin) |
|
06:00-den 09:00-ge deıin |
Momyshuly kóshesi (BAK boıyndaǵy kósheden ekologıalyq beketke deıin) |
|
06:00-den 09:00-ge deıin |
Indýstrıalyq aımaq aýmaǵynyń aınalasynda. |
Jarysqa qatysýshylar arnaıy medalimen marapattalady. Absolútti sanatta 48,5 shaqyrym qashyqtyqta erler men áıelder arasyndaǵy eń jyldam sportshylar tek qurmetti ataqqa ǵana emes, aqshalaı syılyqtarǵa da ıe bolady: birinshi oryn – 100 000 teńge, ekinshi oryn – 80 000 teńge jáne úshinshi oryn – 60 000 teńge. Ár túrli jas sanattaryndaǵy 48,5 shaqyrym, 33,5 shaqyrym jáne 14 shaqyrym qashyqtyqtaǵy jeńimpazdar arnaıy medaldarymen jáne baǵaly syılyqtarymen marapattalady.
Jarys ýaqyty:
6:00 – 48.5 shaqyrym tas jol velosıpedteriniń sóresi
6:05 – 33.5 shaqyrym tas jol velosıpedteriniń sóresi
6:11 – 33.5 MTB velosıpedteriniń sóresi
9:10 – 14 shaqyrym balalar qashyqtyǵynyń sóresi.
Sóre qalashyǵynda qatysýshylar men kórermenderdi mýzykalyq qoıylym men seriktesterdiń qyzyqty promo-aımaqtary bar oıyn-saýyq baǵdarlamasy kútedi. Bul kún demalyp, adamdarmen aralasyp jáne sporttyq merekeniń atmosferasyn tamashalaýǵa tamasha kún bolady.
Tour of World Class Almaty bas seriktesi: Allur | JETOUR
Jarys uıymdastyrýshylary: «Birinshi bolý – batyldyq» korporatıvtik qory, «World Class Almaty» fıtnes-klýby, Akademık Sh. Esenov atyndaǵy ǵylymı-bilim berý qory jáne #Senińjańaqyryń mýltısporttyq Youtube-arnasy.