Batys Qazaqstan oblysynyń ońtústik aýdandaryndaǵy sharýashylyqtarǵa kıikten 7,9 mıllıard teńge zalal kelgen.
Arnaıy qurylǵan komısıa árbir qojalyqtyń jerin aralap, bıylǵy shabylǵan shóptiń kólemin anyqtap, osyndaı qorytyndyǵa keldi. Qaraqurym kıik 1 mıllıon 284 myń gektar jaıylym-shabyndyqty taptap, 5 myń gektar astyqty alqapty otap ketken.
Qazir kelgen shyǵyndy óteý týraly esep-qısap aýylsharýashylyq mınıstrligine jiberildi. Bul týraly oblys ákimdiginde ótken keńeste belgili boldy. Mamandardyń málimdeýinshe, Jánibek, Kaztalov, Jańaqala, Aqjaıyq, Bókeı Ordasy aýdandarynda mal azyǵyn daıyndaý boıynsha jaǵdaı kúrdeli. Óńirdiń mal azyǵyna qajettiligi 2100 tonna bolsa, sonyń 59% ǵana ázir. Onyń basym bóligi byltyrdan qalǵan jem-shóp qory.
- Kúni búginge 1300-ge jýyq sharýa qojalyǵyna alty aýdannyń anyqtalǵan jerlerge 7,9 mıllıard teńge qarastyrý jóninde jasaqtalǵan metodıka boıynsha esep tolyǵymen aýylsharýashylyq mınıstrligine joldandy. Bul eshqandaı tótenshe jaǵdaı emes. Kıik máselesinen zardap shekken jaǵdaıda tólenetin qarjy. Respýblıkalyq búdjetten qarastyrylyp, tólený jaǵdaıy qarastyrylyp jatyr, deıdi aýyl sharýashylyǵy basqarmasynyń basshysy Naýryzbaı Qaraǵoıshın.