Bul týraly úkimette ótken baspasóz máslıhaty barysynda oqý-aǵartý mınıstri Ǵanı Beısembaev aıtty, dep habarlaıdy aqshamnews.kz
Mınıstr jer-jerde ata-analardan, ákimdikterden kóp shaǵym túsip jatqanyn aıtady.
"Jekemenshik mektepterdiń ashylýyna qatysty beıbereket tirliktiń bolyp jatqany, mektep orny jetkilikti aýdanǵa mektep ashý jaǵdaılary, materıaldyq-tehnıkalyq turǵydan tolyq jabdyqtamaı, aqsha tabý maqsatymen ǵana jumys isteý faktorlary boıynsha shaǵymdar túsedi", deıdi ol.
Beısembaevtiń sózinshe, bir kezderi jekemenshik mektep sany 100 bolsa, qazir 900-ge deıin kóbeıgen. Sol sebepti qazir mektepterdegi bilim sapasyna baqylaý ornatý máselesi ózekti bola túsken. Al keıingi úsh jylda jek menshik mektepterdi memleketten qoldaý kólemi 35 mlrd teńgeden 330 mlrd teńgege deıin artqan.
Jekemenshik mektepterdiń quryltaıshylarymen, qaýymdastyǵymen kezdesip, sapa týraly áńgime qozǵap otyrmyz. Mekeme jeke menshik bolǵanymen, bala jeke menshik emes. Balalardyń bilimine, qaýipsizdigine kez kelgen mekeme jaýapty. Ony qadaǵalaýdy ózimizge mindet etip alyp otyrmyz. Ol boljamdarmen kelisem, jeke menshik mektepterdiń úlesi 5% deıin kemýi múmkin. Tıisti jabdyqtarmen jabdyqtalmasa solaı bolady. Joǵary aýdıtorlyq palatanyń tekserýinde málim boldy, jertólede de mektep ashýǵa umtylǵan adamdar bar. Ondaı mektepter, árıne, jabylady. Jeke menshik mektepter qajettilik týyndaǵan jerlerde ǵana ashylý kerek. Ondaı mektepterdi qoldaýǵa daıynbyz. Qazir jeke menshik mekteptermen birlesip tekserý júrgizip, zańsyzdyqtardyń statısıkasyn anyqtaımyz, - dedi Beısembaev.