Oqý-aǵartý mınıstri Ǵanı Beısembaev munyń shekten tys shyǵyn ekenin aıtty, dep habarlaıdy aqshamnews.kz
"Bul másele buıryqpen (mınıstrdiń) rettelgen. Men de 200 myń teńge jınalyp jatqanynan habardarmyn. Ákimdikke de, bilim basqarmasynyń basshysyna da habarlastym. Olar bul máseleni qatań baqylaýǵa aldy. Olardyń maǵan aıtýynsha, bul jerde ata-analardyń kóp jaǵdaıda ata-analardyń bastamashyldyǵymen jasalǵan. Mektepti kinálaı berýden de alys bolý kerek. Óıtkeni kóp jaǵdaıda ata-analardyń bastamashyldyǵymen aqsha jınalady. Sondyqtan, ata-analar da osy máselede shydamdy bolýy kerek", – dedi ol.
Beısembaev mektep basshylyǵy jyldaǵydaı mundaı is-sharalar tek Naýryz meıramy nemese mektep bitirý ǵana emes, qarjy jınaýdy barynsha toqtatý kerektigi eskertilgenin aıtady. Bul másele álsin-álsin keıbir aımaqtarda shyǵatynyn jasyrmaıdy. Mınıstrdiń aıtýynsha, mektep basshylyǵy ata-analardyń bastamasyna tyıym sala almaıdy. Beısembaev jaýapkershilik eki jaqta da bolý kerektigin aıtty.
Al bul másele zańmen rettelýi múmkin be degen suraqqa Beısembaev “buıryqtyń kúshi jetpese, depýtattarmen sóılesip kóremiz” dedi. Al buıryqta “aqsha jınaýǵa bolmaıtyny” jazylǵan.