Almatyda jeke sot oryndaýshysy áleýmettik mańyzdy sanattaǵy isterdiń óndirip alý baǵyty boıynsha birqatar zańbuzýshylyqtarǵa jol bergen, dep habarlaıdy aqshamnews.kz.
Qala prokýratýrasynyń málimetinshe, alıment óndirip alýǵa baılanysty 6 atqarýshylyq is júrgizý kezinde zańbuzýshylyqtar anyqtaldy. Sot oryndaýshysy is júrgizýlerdi bir óńirden ekinshi óńirge negizsiz joldaı otyryp, jasandy jolmen sozbalańdyqqa salýǵa jol bergen.
Sondaı-aq, buǵattaýlardy zańsyz alyp tastaý, bereshekterdi óndirip alý boıynsha sharalardy ýaqtyly qabyldamaý jáne ýákiletti organdardyń talaptaryn elemeý jaǵdaılary anyqtaldy, – delingen prokýratýra habarlamasynda.
Alataý aýdany prokýratýrasynyń qadaǵalaý aktisi boıynsha Almaty qalalyq sotynyń qaýlysymen jeke sot oryndaýshysy memlekettik lısenzıasynan aıyryldy.
Qaýly zańdy kúshine endi.