Almatyda jalpy bilim beretin №98 mekteptiń jobalyq qýaty №8 mýzyka mektebi ıelengen korpýstardyń birin bosatqannan keıin 300 orynǵa ulǵaıdy. Al, mýzyka mektebi jalpy aýdany 950 sharshy metr bolatyn jańa ǵımaratqa kóshti, dep habarlaıdy aqshamnews.kz
Medeý aýdanyna jumys sapary barysynda Almaty ákimi Erbolat Dosaev eki mektepti aralap, olardyń qyzmetimen tanysty.
№98 mektep Malaıa Stanısa aýdanynda ornalasqan. Onyń jobalyq qýaty 640 oryndy quraıdy, al bilim alýshylardyń naqty sany 1,1 myń adamnan asty. Jalpy aýdany 500 sharshy metr bolatyn bir korpýsty buryn mýzyka mektebi ıelengen.
Turǵyndardyń ótinishi boıynsha bıylǵy jyly Almaty qalasynyń ákimdigi osy maqsatta satyp alǵan mýzykalyq mektepti kórshi ǵımaratqa kóshirý júzege asyryldy.
Kóshý nátıjesinde №98 mekteptiń jobalyq qýaty 300 orynǵa ulǵaıdy. Bosatylǵan úı-jaıda jóndeý jumystary júrgizilip, bıyl qyrkúıek aıynan bastap bastaýysh synyp oqýshylary oqı bastady.
Mýzyka mektebiniń jańa ǵımaratyna búdjet qarajaty esebinen kosmetıkalyq jóndeý júrgizildi. Al qoıma akt zaly retinde qaıta jasaldy. Mýzyka mektebi osy jyldyń qyrkúıek aıynda esigin aıqara ashty.
«Tarıhı turǵydan alǵanda, jalpy bilim beretin mektepter mýzykalyq mekteptermen biriktirildi. Biraq qala ósip, damyp kele jatqanda, onymen birge halyq sany da ósti. Mektepke shamadan tys júk tústi, oqýshylarǵa oryn jetispedi. Medeý aýdany ákiminiń bastamasymen biz mekteptiń janynan úı-jaı tabýǵa tyrystyq. Biz ákimshilik ǵımaratty satyp aldyq, jóndeý jumystaryn júrgizdik. Endi bul tolyqqandy mýzyka mektebi. Bul mektep dırektorynyń aıtýynsha, balalardyń 40% - y №98 mektepte oqıdy. Bizdiń qalamyzda kóptegen jańa talanttar paıda bolady jáne balalar mýzykalyq qabiletterin damytýdy jalǵastyrady dep úmittenemiz», - dep atap ótti Almaty ákimi.
Aıta keteıik, aýdanda oqýshy oryndarynyń tapshylyǵy 4,3 myńdy quraıdy, ony tómendetý maqsatynda Medeý aýdanynyń aýmaǵynda 2 myń oryndyq jaıly mektep salynýda. Turǵyn úı keshenderi salynyp jatqan aýmaqtarda 1500 oryndyq 2 jekemenshik mektep salý josparlanǵan. Sondaı-aq, mektepterge 6 qosymsha qurylys salý jumystary júrgizilýde. Nátıjesinde 2026 jyldyń sońyna qaraı aýdanda 5 270 jańa oqýshy orny paıda bolady.