Eldegi jeke sot oryndaýshylardyń osyǵan uqsas zań buzýshylyq faktileri tekserildi.
Prokýratýra organdary jeke sot oryndaýshylarynyń Respýblıkalyq palatasymen birlesip jeke sot oryndaýshylarynyń (budan ári - JSO) 2021-2022 jyldary boryshkerlerden óndirip alynǵan aqshalaı qarajatty ýaqtyly jáne tolyq aýdarýyna tekserý júrgizdi, dep habarlaıdy Almaty-akshamy.kz Elorda.info saıtyna silteme jasap.
Almaty qalasynda, SQO, Qaraǵandy, Pavlodar, BQO jáne Aqmola oblystarynda júrgizilgen tekserýler JSO óndirip alýshylardyń shottaryna aýdarýǵa jatatyn 1,1 mlrd teńge mólsherinde aqsha urlaýdyń 660 faktisin anyqtady.
Máselen, elordalyq JSO alıment boıynsha joq qaryzdy ádeıi anyqtap, sot úkimimen memlekettiń paıdasyna tárkilenýge jatatyn 289 mln teńgeni jeke tulǵanyń banktik shotynan sheship alǵan. Ol bul qarajatty Astana qalasy Sot aktilerin oryndaý departamentiniń burynǵy bastyǵyna aýdarǵan. Osy qyzmeti úshin JSO 10 mln teńge ustap qalǵan. Almatylyq JSO jyl boıy boryshkerlerdiń qarajaty esebinen óziniń banktik depozıtin jalpy somasy 84 mln teńgege 18 ret tolyqtyrǵan.
Nátıjesinde ol paıyz túrinde 2 mln teńge tabys tapqan. Osyǵan uqsas JSO óz depozıtine 13,6 mln teńge aýdaryp, shamamen 5 mln teńgege jýyq syıaqy alǵan. Qaraǵandylyq 7 JSO boryshkerlerdiń 110 mln teńge kólemindegi qarajatyn jeke qajettilikterine jumsaǵan. Basqa jaǵdaıda, almatylyq JSO «Januıa» balalar úıiniń tárbıelenýshisi kámeletke tolmaǵan Bolgambaevaǵa arnalǵan 400 myń teńgeni jeke maqsatynda paıdalanǵan.
Pavlodarda JSO 3 jyl boıy 520 myń teńgege eki balanyń alıment qarajatyn urlap otyrǵan. Keıbir JSO-lar óndirip alýshylardyń aqshalaryn basshylardyń shyǵyndaryn jabý úshin paıdalanǵan.
Batys Qazaqstan oblysynda JSO óńirlik palatanyń basshysyna jáne onyń orynbasaryna 1 mln teńge aýdarǵan. Olardyń basqa áriptesteri áıelderi men týystaryna 4,7 mln teńge bólgen. Aqsha qarajatyn urlaý men ysyrap etýdiń anyqtalǵan faktileri boıynsha sotqa deıingi 16 tergeý bastaldy. Sondaı-aq qadaǵalaý aktisi boıynsha 7 JSO lısenzıasy alynyp qoıylǵan, 2 lısenzıa toqtatyldy, 55 adam tártiptik jaýapkershilikke tartyldy.