HR Enbek eńbek resýrstary portalynda «Qyzmetkerdiń jeke isi» servısinde jumysqa ornalasý úshin qajetti medısınalyq kitapsha qoljetimdi boldy.
Qujat azamattar úshin «Jeke medısınalyq kitapshalar» bóliminde, sondaı-aq jumys berýshiler úshin qyzmetkerlerdiń kelisimin ala otyryp, suraý salý arqyly qol jetimdi.
2025 jylǵy 1 qańtardan bastap QR Densaýlyq saqtaý mınıstrligi jeke medısınalyq kitapshalardyń (sanıtarlyq kitapshalardyń) elektrondyq formatyn engizdi.
Elektrondyq júıe qyzmetkerlerdiń 15 sanatyn qamtıdy, onyń ishinde qoǵamdyq tamaqtaný, dárihanalar, sanatorıı qyzmetkerleri, sondaı-aq qyzmet kórsetý salasynyń jumyskerleri men medısınalyq personal bar. Bul sanattar úshin turaqty fızıkalyq tekserýler jylyna bir ret nemese alty aıda bir ret ótkiziledi.
Budan keıin sanıtarlyq kitapshanyń elektrondyq nusqasy HR Enbek portalyna engizildi, bul jumys isteý úshin turaqty medısınalyq tekserýden ótýdi qajet etetin azamattardyń jumysqa ornalasýyn jeńildetýge tıis.
Jeke tulǵanyń úshinshi tulǵalarǵa berý úshin derbes derekterdi óńdeýge kelisimi mobıldi azamattar bazasynda tirkelgen qyzmetkerdiń nómirine SMS jiberý arqyly QR Sıfrlyq damý, ınovasıalar jáne aeroǵarysh ónerkásibi mınıstrliginiń derbes derekterine qol jetkizýdi baqylaý servısimen júzege asyrylatynyn atap ótý qajet. Sondaı-aq, bul kelisý HR Enbek portalynda nemese AppStore jáne GooglePlay arqyly júkteýge bolatyn mobıldi qosymshasynda ESQ kómegimen beriledi.
Kadrlyq qamtamasyz etýdiń aqparattyq júıeleri bar jumys berýshilerge Smart Bridge arqyly «Qyzmetkerdiń jeke isi» tegin servısine qosylý múmkindigi beriledi.
Esterińizge sala keteıik, «Qyzmetkerdiń jeke isi» servısi HR Enbek portalynda 2022 jyly iske qosylǵan jáne jumys berýshige qyzmetkerdiń kelisimimen jeke kýálikten, bilimi, jumys tájirıbesi, foto, medısınalyq anyqtamalar jáne t. b. aqparat sıaqty derbes derekterge qol jetkizýge múmkindik berý arqyly áńgimelesý jáne jumysqa ornalastyrý prosesterin jeńildetýge baǵyttalǵan.