Qazaqstandyqtardyń jeke derekterin taratqany úshin aıyppul mólsheri endi úsh ese ósýi múmkin
Bul týraly QR Sıfrlyq damý, ınovasıalar jáne aeroǵarysh ónerkásibi mınıstrligi málimdedi, dep habarlaıdy Almaty-akshamy.kz Astanatv.kz-ke silteme jasap.
«Biz jeke derekterdiń taralyp ketý qaýpin barynsha azaıtýdy eskere otyryp, azamattardyń jeke derekteriniń taralyp ketýi boıynsha jaýapkershilikti kúsheıtý baǵytynda aýqymdy jumys júrgizip jatyrmyz. Jeke derekter taraǵan kezde azamattardy bul týraly «Elektrondyq úkimet» portaly jáne 1414 sms-habarlama arqyly habardar etý kózdelýde»,- dep atap ótti Rýslan Ábdiqalyqov.
Aqparattyq qaýipsizdik máseleleri boıynsha jýrnalıserge arnalǵan workshop oqytý semınary barysynda sarapshylar jeke derekterdi qorǵaý, aqparattyq júıelerdiń qaýipsizdigin qamtamasyz etý jáne t.b. sıaqty kıberqaýipsizdikke qatysty kóptegen másele bar ekenin atap ótti. Sondaı-aq únemi ózgerip otyratyn aqparattyq keńictikte málimetterdi qorǵaýǵa baılanysty ózekti máseleler qaraldy.
«Biz Qazaqstan Respýblıkasynyń Ákimshilik quqyq buzýshylyq kodeksine túzetý engizý arqyly jeke derekterdi qorǵaý salasyndaǵy zańbuzýshylyqtar úshin jazany kúsheıtý salasyndaǵy zańnamany jaqsartý boıynsha mańyzdy qadamdardy jasadyq», - dedi Asqat Orazbek.