Keıbir kásipkerlerdi mobıldi aýdarymdar arqyly tólemderdi qabyldaýdan bas tartyp, qolma-qol aqsha talap ete bastady.
Mobıldi aýdarymdar týraly zań jobasy kóptegen qazaqstandyqtardy alańdatyp otyr, dep habarlaıdy Almaty-akshamy.kz
Alaıda Qarjy mınıstrligi alańdaýǵa negiz joq ekenin aıtty.
«Memlekettik kirister komıtetine málimetterdi berýge alańdaýdyń qajeti joq. Jeke aýdarymdarǵa salyq salynbaıdy. Al jeke kásipkerler qabyldanǵan moratorıı aıasynda 2023 jylǵa deıin tabys salyǵyn tóleýden bosatylady», - dep túsindirdi Qarjy mınıstrligi.
25 qarashada Senat depýtattary «mobıldi tólemder» túsinigin engizetin zań qabyldady, ıaǵnı kásipkerler mobıldi aýdarymdar úshin salyq tóleıtin bolady.
Oǵan áli Prezıdent qol qoıǵan joq. Zańda ekinshi deńgeıli bankterdi 2025 jyldan bastap mobıldi tólemder men azamattardyń aýdarymdary týraly aqparatty memlekettik kirister organdaryna berýge mindetteıtin norma bar.
Jańa zań keıbir kásipkerlerdi qorqytty. Olar mobıldi aýdarymdar arqyly tólemderdi qabyldaýdan bas tartyp, qolma-qol aqsha talap ete bastady. Máseleni qolda bar derekterge súıene otyryp qarastyratyn bolsaq, aldaǵy birer jylda eshteńe ózgermeıdi.