«Medısına qyzmetkerlerine qatysty zorlyq-zombylyqqa jol berilmeıdi» – Densaýlyq saqtaý mınıstri Qostanaıda feldsherdi urý oqıǵasyna pikir bildirdi
Aqmaral Álnazarova Anel Baımurzınanyń otbasyna qoldaý kórsetip, bul jaǵdaı nazardan tys qalmaıtynyn aıtty.
«Jaqynda Qostanaıda jedel járdem qyzmetiniń feldsherlerine jasalǵan shabýyldyń taǵy bir soraqy faktisine tap boldyq. Shaqyrýǵa barǵan jas maman aýyr jaraqattar alyp, ózi aýrýhanaǵa tústi», – dep jazdy ol óziniń Instagram paraqshasynda.
2019 jyldan 2023 jylǵa deıin Qazaqstanda qyzmettik mindetterin atqarý barysynda 158 medısına qyzmetkeri zardap shekken. Onyń ishinde 46 oqıǵa 2022 jyly, 80 oqıǵa 2023 jyly, al bıyl 9 shabýyl tirkelgen.
Densaýlyq saqtaý mınıstri jedel járdem qyzmetiniń mamandary kúndelikti qıyn jaǵdaılarda kómek kórsetetinin eske saldy.
Osy sebepti mınıstrlik depýtattardyń qoldaýymen medısına qyzmetkerlerine qatysty zorlyq-zombylyq úshin qylmystyq jaýapkershilik engizýdi usynǵanyn atap ótti.
«Mundaı qylmystar ádil jazaǵa tartylýy tıis, sonyń ishinde bostandyqty shekteý men qoǵamnyń aıyptaýy qarastyrylýy kerek. Biz medısına qyzmetkerlerine qarsy zorlyq-zombylyqqa jol berilmeıtinin jáne onyń jazasyz qalmaıtynyn aıqyn kórsetýimiz qajet», – dedi A.Álǵazarova.
Jedel járdem feldsheri Anel Baımurzına shaqyrtý kezinde aýyr shabýylǵa ushyrady. Zeınetkerdi reanımasıalaý áreketi sátsiz bolǵannan keıin, eki áıel oǵan judyryq ala júgirip, aýyr jaraqattar salǵan.