Taldyqorǵanda jedel járdem kóliginiń qatysýymen bolǵan jol apatynda er adam qaıtys boldy, dep habarlaıdy almaty-akshamy.kz
Oqıǵa 30 qazanǵa qaraǵan túni Taldyqorǵannyń ortalyǵynda Audi 80 jáne Hyundai Solati avtokólikteriniń qatysýymen boldy.
54 jastaǵy jedel járdem kóliginiń júrgizýshisi Balpyq bı kóshesimen kele jatyp, jol jıeginde turǵan Audi kóligimen soqtyǵysady.
Soqqy kezinde nemis sheteldik kóliginiń 37 jastaǵy júrgizýshisi jolaýshysymen birge kóliktiń artqy dóńgelegin aýystyryp jatqany aldyn ala anyqtaldy.
Jeńil kólik júrgizýshisi oqıǵa ornynda qaıtys boldy. Sondaı-aq 36 jastaǵy er adam túrli dene jaraqattarymen aýrýhananyń reanımasıa bólimine jatqyzyldy.
Qajetti saraptamalar taǵaıyndalyp, QR QK-niń 345-babynyń 3-bóliminde kózdelgen tergeý amaldary bastaldy. Qylmystyq isti tergeýdi oblystyq polısıa departamenti baqylaýǵa aldy.
Jedel járdem jol jıeginde turǵan kólikke soǵyp er adam qaıtys boldy
- Avtor almaty-akshamy.kz
- 04:48, 30 qazan 2023
polisia.kz