Qazaqstan Jazýshylar odaǵy Basqarmasynyń hatshylyǵy syrqattanyp júrgen aqyn jazýshylarǵa kómek kórsetý týraly máseleni qarastyrdy, dep habarlaıdy Almaty-akshamy.kz.
Qazaqstan Jazýshylar odaǵy Basqarmasynyń Tóraǵasy Mereke Qulkenov bul bastama odaq janynan qurylǵan «Qazaq ádebıetiniń mesenaty» qoǵamdyq qory arqyly júzege asatyndyǵyn aıtyp ótti.
«Jazýshylar odaǵy tek qoǵamdyq birlestik qana emes, úlken otbasy ekendigimizdi umytpaýymyz kerek. Osyny eskere otyryp, qazirgi tańda aýyr syrqattanyp jatqan aqyn-jazýshylarymyzǵa kómek kórsetý týraly sheshim qabyldadyq», - dedi M.Qulkenov jınalys barysynda.
Aǵymdaǵy jyldyń sońyna deıin 50 myń teńge kóleminde aı saıynǵy materıaldyq kómek Nesipbek Aıtov, Zará Jumanova, Júrsin Erman, Aısulý Qadyrbaeva, Sara Latıeva, Turlybek Mámeseıit, Nına Skalkovskaıaǵa beriletin bolady.
Mereke Qulkenov múmkindiginshe qalamgerlerge áleýmettik qoldaý bildirip, shyǵarmashylyqpen aınalysýǵa jaǵdaı jasaý odaqtyń negizgi mindetteriniń biri ekendigin jetkizdi.