Almatydaǵy jol-kólik oqıǵalarynyń birazy jaıaý júrginshilerdiń kinásinen bolyp jatady.
Almatyda jyl basynan beri jol qozǵalysy erejesin buzǵan 13 myńnan astam jaıaý júrginshi ákimshilik jaýapkershilikke tartyldy. Sonymen qatar, bıylǵy jyldyń 7 aıynda qala joldarynda jaıaý júrginshilerdiń qatysýymen 961 jol-kólik oqıǵasy bolǵan, sonyń saldarynan 663 adam zardap shegip, 32 adam qaza tapty.
"Bul statısıka alańdaýshylyqty týdyrady. Jol-kólik oqıǵalary men ólim-jitimdi azaıtý úshin árbir jol qozǵalysyna qatysýshy óziniń jáne ózgeniń qaýipsizdigi úshin jaýapkershilikti sezinýi, jol qozǵalysy erejelerin qatań saqtaýy jáne jolda mádenıetti arttyrýy mańyzdy. Qalada jaıaý júrginshiler ótkelderinen ótý erejelerin buzýdy, jaıaý júrginshiler jol qozǵalysy erejelerin buzýdy anyqtaýǵa jáne jolyn kesýge, sondaı-aq basqa da óreskel buzýshylyqtardy anyqtaýǵa baǵyttalǵan "Jaıaý júrginshi" jedel-profılaktıkalyq is-sharasy turaqty negizde júrgizilip jatqany barshaǵa málim. Bizdiń basty mindetimiz – jazalaý emes, qaıǵyly oqıǵalardyń aldyn alý", – dedi Almaty qalalyq PD JPQB patrúldik polısıa polkiniń komandıri Oral Ahımov.