Qytaıdyń Chendý qalasynda ótip jatqan HHHİ Dúnıejúzilik jazǵy Ýnıversıadada bıiktikke sekirýden qazaqstandyq sportshylar Nadejda Dýbovıskaıa men Krıstına Ovchınnıkova fınalǵa shyqty.
İrikteý jarysynyń qorytyndysy boıynsha úzdik nátıje kórsetken 12 sportshy fınalǵa shyqty. Ár topta synǵa túsken qazaqstandyq sportshylar Nadejda Dýbovıskaıa men Krıstına Ovchınnıkova sáıkesinshe 1,84 jáne 1,80 upaı jınap, jarystyń fınaldyq kezeńine joldama aldy, dep habarlaıdy Almaty-akshamy.kz QazAqparatqa silteme jasap.
Bıiktikke sekirý fınalynda barlyǵy 12 sportshy synǵa túsedi. Fınal 6 tamyzda Chendý qalasyndaǵy (Sychýan provınsıasy, Qytaı) «Shýanlú» stadıonynda Beıjiń ýaqytymen 18:30-da bastalady.
6 tamyz kúngi saǵat 12:00 (jergilikti ýaqyt) boıynsha Qazaqstan medaldyq esepte 19-shy orynda. Qazaqstan quramasynyń qorjynynda 19 medal bar: eki altyn, jeti kúmis jáne 10 qola. Qytaı kósh bastap tur (141 medal: 78 altyn, 33 kúmis jáne 30 qola). Ekinshi orynda Japonıa (74:19-24-31), úshinshi orynda Ońtústik Koreıa (50:17-15-18).