Almaty oblysynda áıel er adamdy júk kóliginiń astyna ıterip jiberdi, dep habarlaıdy almaty-akshamy.kz.
«2023 jyldyń 30 qazanynda Qarasaı aýdanynyń polısıa bólimine Almaty-Bishkek tas jolynda Volvo júk kóliginiń júrgizýshisi belgisiz er adamdy qaǵyp ketkeni týraly habarlama kelip tústi. Tekserý barysynda jol jıeginde turǵan er adamdy áıel artynan ıterip jibergeni anyqtaldy. Nátıjesinde, aýyr júk kólik er adamdy taptap óte shyqqan», - delingen polısıa habarlamasynda.
«Jedel izdestirý sharalary barysynda 1963 jyly týǵan azamatsha ustalyp, ýaqytsha ustaý ızolátoryna qamaldy. Qazirgi ýaqytta qajetti saraptamalar taǵaıyndalyp, tergeý amaldary júrgizilýde», - dep habarlady Almaty oblysynyń polısıa departamentiniń basshysy. Baýyrjan Álenov.