Almatynyń jańa aýdandarynda 2023 jyly 12 myńnan astam úı ortalyqtan sýmen jabdyqtaýǵa qosyldy, dep habarlaıdy almaty-akshamy.kz
Qarasý, Aqjar, Alǵabas, Shuǵyla, Jas Qanat, Shýaqty shaǵyn aýdandary, Seıfýllın dańǵylynyń aýmaǵy,Solústik aınalym, Rysqulov, Boraldaı kóshelerindegi 12 myńnan astam úı sýmen jabdyqtaý júıesimen qamtamasyz etilgen jáne aǵymdaǵy jyly káriz jelilerine qosylǵan. Buǵan deıin bul aýdandarda sýmen jabdyqtaý, sondaı-aq sý burý jelileri de bolmaǵan. Buǵan deıin Qarasý, Aqjar, Alǵabas, Shuǵyla shaǵyn aýdandaryn jeke kompanıalar sýmen qamtamasyz etken.
Almatyda 2022-2023 jyldar ishinde úzdiksiz sýmen jabdyqtaýdy qamtamasyz etý úshin 143 shaqyrym sý qubyry jáne 139 shaqyrym sý burý jelileri salyndy.
Qazirgi ýaqytta Almaty qalasy boıynsha sý qubyry jelileriniń tozýy 55,8 %-dy, káriz jelileriniń tozýy 57.5%-dy quraıdy. Jańa jelilerdi tartý arqasynda tozǵan jeliler sany azaıýda.