Memleket basshysy Qasym-Jomart Toqaevtyń qatysýmen Búkilarmıalyq keńestiń otyrysy bastaldy.
Prezıdent jaýyngerler arasynda qatygezdik pen álimjettikke jol bermeý kerektigin basa aıtty, dep habarlaıdy Almaty-akshamy.kz
«Sarbazdarymyz qaısar, batyl, sondaı-aq bilimdi bolýy shart. Jaýyngerlerdiń boıyna otanshyldyq, adamgershilik, izgilik qasıetterdi sińirýimiz kerek. Olar naǵyz azamat degen atqa laıyq bolýy qajet. Bir sózben aıtsaq, armıa – bul rýhanı tárbıe ortalyǵy», - dedi Prezıdent.
Qasym-Jomart Toqaev bul iste aǵa býynnyń tájirıbesin paıdalaný mańyzdy ekenin atady.
«Biz qatygezdik, álimjettik sıaqty qoǵamǵa qaýipti úrdisterge jol bermeýimiz kerek. Búgin osy jerde ardaqty ardagerlerimiz otyr. Olardyń tájirıbesi, kórgen-túıgeni mol. Biz ardagerlerge zor qurmet kórsetemiz. Aǵa býynnyń tájirıbesin jas sarbazdardy tárbıeleý isine tıimdi paıdalanǵan jón», - dedi Memleket basshysy.