Qazgıdromet mamandary beısenbige arnalǵan aýa raıy boljamyn usyndy, dep habarlaıdy almaty-akshamy.kz.
Qazaqstan aýmaǵynyń basym bóligine ońtústik sıklony jáne soǵan baılanysqan atmosferalyq fronttar áser etedi.
Osylaısha naızaǵaı oınap, jańbyr jaýady, ońtústik-shyǵysta, shyǵysta qatty jańbyr, burshaq jaýyp, daýyl soǵady.
Tek elimidiń soltústiginde jaýyn-shashyn joq, kún ashyq.
Respýblıka boıynsha jel kúsheıedi, túngi jáne tańerteńgi saǵattarda soltústik-batys pen ortalyqta tuman túsedi.
Jetisý oblysynyń Alakól aýdanynda keı ýaqytta jel ekpini 30 m/s asady.
Túnde Pavlodar oblysynyń soltústiginde, Qostanaı, Aqmola, Soltústik Qazaqstan oblystarynyń soltústiginde, shyǵysynda topyraq betinde 2-3 gradýs úsik júredi.
Qaraǵandy oblysynyń ońtústiginde, Ulytaý oblysynyń ortalyǵynda, Abaı, Aqtóbe, Qostanaı oblystarynyń ońtústiginde, Atyraý oblysynyń ońtústik-shyǵysynda, Shyǵys Qazaqstan oblysynyń ońtústik-shyǵysynda, Qyzylorda oblysynda, Batys Qazaqstan oblysynyń batysynda, ońtústik-batysynda, Jetisý oblysynyń shyǵysynda joǵary órt qaýpi saqtalady. Túrkistan oblysynyń shóldi aýdandarynda, Abaı oblysynyń Úrjar aýdanynda tótenshe órt qaýpi kútiledi.