Ulttyq qundylyq dáripteldi
Almatyda zamanaýı óner keńistigi Jauhar ulttyq mýzyka jobasyn kópshilikke tanystyrdy, dep habarlaıdy Almaty-akshamy.kz
Jauhar jobasynyń maqsaty - ulttyq mýzykanyń turaqty zamanaýı platformasyn qalyptastyryp, dástúrli án-kúı mektepterin jastar arasynda keń taratý. Joba aıasynda elimizdiń ulttyq mýzyka mektepterin tolyǵymen qamtý josparlanǵan. Jauhardyń alǵashqy kezeńinde Mańǵystaý jyrshylyq mektebiniń ókilderin nasıhattaý kózdeldi. Osy rette jobaǵa Amandyq Kómekuly, Uzaqbaı Sahıev, Jetkizgen Seıitov, Ahmet Baıekeshov, Arǵyn Bısenuly, Amanbek Sáýirbaev, Ońdasyn Qalqan, Ospan Qulsymaqov, Rızabek Serik, Baqdáýlet Tolybekuly sekildi 10 jyrshy qatysyp, Abyl, Aqtan, Qashaǵan, Nurym, Aralbaı t.b aqyn-jyraýlardyń shyǵarmalary oryndaldy.
«Ulttyq ónerimizdiń qaınar bulaǵy – dástúrli án-kúı mektepterinde jatyr. Osy rýhanı baılyǵymyzdy qazirgi zamandyq medıa múmkindikterine ıkemdep, zamanaýı dybys jáne vıdeotúsirilim uıymdastyrdyq, bul jumysqa otandyq úzdik mamandardy tarttyq. Bul sapaly kontent jas býynnyń ulttyq mýzykaǵa degen oń kózqarasyn qalyptastyrady dep senemiz», - dedi joba prodúseri Toǵjan Qurmanjanqyzy.
Jauhar jobasynyń alǵashqy maýsymy 10 epızodtan turady. Ár epızod bir jyrshynyń shyǵarmashylyǵyn qamtıdy, hronometrajy 35-40 mınýt. Jyl aıaǵyna deıin barlyq mýzykalyq strımıngtik platformalarda 10 mýzykalyq álbom jarıalanyp, tegin tyńdaý múmkindigi qosa berilmek.
Tusaýkeser rásiminde ÖzgeEpic zamanaýı óner keńistiginiń uıymdastyrýshysy Maqpal Jumabaı: «Ulttyq mýzykamyzdyń turaqty platformasyn qalyptastyrý arqyly biz óz deńgeıimizde ónerimizdiń túrlenýine, damýyna jol ashpaqpyz. Halyqtyń rýhanı murasy sıfrly álemde mol qoryn jasaqtap, óz ornyn ıelengende ǵana bolashaqqa batyl kósh túzeıdi. Sondyqtan da jyldarǵa sozylatyn bul jobamyz jyrshylyq, kúıshilik mektepterdiń jas tyńdarmanyn arttyryp, sony serpin bererine senimdimiz», - dedi.
Jauhar ulttyq mýzyka jobasy 27 qarashadan bastap Youtube platformasyndaǵy Jauhar live kanalynda usynylady.
ÖzgeEpic óner keńistigi buǵan deıin zamanaýı qazaq mýzykasyn damytýǵa baǵyttalǵan Jangyryq jobasyn jaryqqa shyǵardy.