«Qarjy ortalyǵy» AQ bıznesmenderge stýdenttik jataqhanalardyń qurylysyna ınvestısıa salýdy jáne memleketten ótemniń bir bóligin alýdy usynady.
Búgingi tańda jataqhanalarda stýdentter úshin oryn tapshylyǵy máselesi ótkir tur. Ásirese Astana men Almaty iri qalalarynda oqıtyn stýdentter úshin.
Qazirgi ýaqytta memlekettik tapsyrys ornalastyrylatyn jáne bizdiń elimizde 2018 jyldan bastap iske asyrylyp kele jatqan birqatar jobalar bar.
Bul mehanızm kelesi qolaıly jaǵdaılardy qamtıdy:
- qurylys kezinde árbir tósek-orynǵa jylyna 195 AEK (Almaty qalasy úshin – jylyna 230 AEK), 6 jyl ishinde tólenedi. Mysaly, 100 oryndyq jataqhana úshin qurylys kezinde barlyq kezeńde tólemder ortasha eseppen 403 mln. teńgeni quraıdy;
- turý úshin aı saıynǵy stýdenttik tólem;
- tólemder demalys kezeńin qosa alǵanda, aı saıyn júrgiziledi;
- komersıalyq alańdar – kofehana, asqana, trenajer zaly jáne t.b. túrinde qosymsha tabys alý múmkindigi bar.
Sonymen qatar, qonaq úıler men jataqhanalardyń ǵımarattaryn jataqhana retinde rekonstrýksıalaý múmkindigi bar. Bul jaǵdaıda memleket árbir tósek-orynǵa jylyna 47 AEK (Astana jáne Almaty qalalary úshin – jylyna 92 AEK), 8 jyl ishinde tóleıdi. Osylaısha, 100 oryndyq jataqhana úshin rekonstrýksıalaý kezinde barlyq kezeńde ortasha eseppen 130 mln teńgeni quraıdy.
Sýret:«Qarjy ortalyǵy» AQ
Sonymen qatar, obekt sizdiń menshigińizde qalady jáne tólemder aılyq eseptik kórsetkishke baılanysty jáne jyl saıyn ınflásıany eskere otyryp ındeksteledi. Baǵdarlamaǵa qatysý úshin qajetti qujattarmen ótinish berý jetkilikti.