Keltirilgen zalal shamamen 16 mln teńgeden asady.
Jetisý oblysynda jataqhana komendanty ózgelerdiń atynan 16 mln teńgeden astam somaǵa taýarlyq nesıe alǵan, dep habarlaıdy Almaty-akshamy.kz Zakon.kz-ke silteme jasap.
Alaıaqtyq faktileri boıynsha aryzdar Taldyqorǵan polısıasyna 2022 jylǵy qazan aıynda túse bastaǵan. Tártip saqshylary qylmys jasady degen kúdikpen stýdentter turatyn jataqhanalardyń biriniń burynǵy komendantyn ustady.
Komendant áıel el boıynsha úsh bankte jáne birneshe mıkrokredıttik uıymdarda taýar-aqshalaı kredıtterdi alaıaqtyq jolymen resimdegen degen kúdikke ilindi. Prınter, teledıdar, kondısıoner, uıaly telefon, basqa da taýarlar túrinde alǵan jáne keıin satyp jibergen.
"Búgingi tańda 18 jábirlenýshi bar, olardyń negizgi bóligi – stýdentter. Keltirilgen zalal shamamen 16 mln teńgeden asady. Jaqyn arada sotqa jiberý úshin materıaldardy daıyndaımyz", - dedi Taldyqorǵan polısıa departamenti bastyǵynyń orynbasary Shyńǵys Nurahımov.
Qalalyq prokýratýranyń úılestirýimen qylmystyq isti tergeý amaldary QR Qylmystyq kodekstiń 190-baby 4-tarmaǵynyń 3-bóligi (Alaıaqtyq) boıynsha júrgizildi.