Úkimet tıisti qaýly qabyldady.
Bıyldan bastap ata-anasynan aıyrylǵan stýdentterdiń jataqhanada turý shyǵyndary memleket tarapynan tólenedi, dep habarlaıdy Almaty-akshamy.kz QR Úkimetiniń baspasóz qyzmetine silteme jasap.
Memleket basshysy Qasym-Jomart Toqaev 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» Joldaýynda Úkimetke «...stýdentterdiń jekelegen áleýmettik turǵydan az qamtylǵan sanattary úshin jataqhanada turý shyǵystaryn sýbsıdıalaý múmkindigin pysyqtaýdy» tapsyrǵan bolatyn.
Jańa oqý jyly qarsańynda Prezıdent tapsyrmalaryn oryndaý aıasynda Úkimet tıisti qaýly qabyldady.
Osy rette «Áleýmettik kómek kórsetiletin azamattarǵa áleýmettik kómek berý qaǵıdalaryna» ózgerister men tolyqtyrýlar engizildi. Oǵan sáıkes azamattardyń jekelegen sanattary úshin elimizdiń kolejderi men joǵary oqý oryndarynda bilim alý kezinde jataqhanada turý shyǵystary úshin ótemaqy tóleý kózdelgen.
Jataqhanalarda turý shyǵystary úshin ótemaqy somasy jylyna 29 aılyq eseptik kórsetkishti quraıtyn bolady.
Bıyl barlyǵy 7 145 adam ótemaqy alatyn bolady.
Olardyń ishinde 4 651 jetim jáne ata-ana qamqorlyǵynsyz qalǵan stýdent.
2 494 múgedektigi bar, bala kezinen múgedek adamdar, múgedektigi bar balalar bar.
Ótemaqy bıyl qyrkúıekten bastap beriledi.