Almaty qalasy «Azamattarǵa arnalǵan úkimet» memlekettik korporasıasy fılıalynyń ókilderi Óńirlik komýnıkasıalar qyzmetiniń brıfıńinde zeınetaqyny qalaı durys rásimdeý kerektigin jáne bul úshin qandaı qujattar qajet ekenin aıtty.
«Zeınetke shyǵýǵa aldyn ala daıyndalý qajet, HQKO-na qujattardyń túpnusqalaryn usyný, zeınetaqy aýdarymdarynyń bar-joǵyn tekserý, tıimdi nusqalardy esepteý qajet. Qujattardy týǵan kúninen 10 kún buryn tapsyrý kerek», - dedi zańdy jáne jeke tulǵalarmen jumys isteý jáne elektrondyq is maketterin baqylaý basqarmasynyń basshysy Naıla Muhametqalıeva.
Turǵylyqty jeri boıynsha HQKO fılıaldaryna júgingen kezde ózimen birge mynadaı qujattar bolýy qajet:
- jeke basyn kýálandyratyn qujat;
- eńbek kitapshasy (nemese muraǵat mekemeleriniń anyqtamalary);
- bilimi týraly qujat;
- áskerı bılet nemese qorǵanys isteri jónindegi basqarmanyń (bólimniń) anyqtamasy;
- neke týraly kýálik (tegi ózgergen kezde);
- balalardyń týý týraly kýálikteri (týý týraly aktilik jazbadan úzindi nemese - azamattyq hal aktilerin tirkeý organdary bergen azamattyq hal aktilerin tirkeý týraly anyqtama) jáne basqalar.
Eger qandaı da bir qujat bolmasa, mysaly, eńbek kitapshasy bolsa, uıymnan muraǵat anyqtamasyn usynýǵa bolady. Basqa jaǵdaıda sotqa júginip, sýdıanyń sheshimin usyný qajet.
Spıker jasyna baılanysty zeınetaqy tólemderin taǵaıyndaý 2001 jylǵy 1 shildeden bastap - 63 jasqa tolǵan er adamdarǵa, 58 jasqa tolǵan áıelderge júrgiziletinin eske saldy.
Sonyń ishinde zeınetaqy tólemderi áıelderge jasy boıynsha taǵaıyndalady:
2018 jylǵy 1 qańtardan bastap-58,5 jasqa tolǵanda;
2019 jylǵy 1 qańtardan bastap-59 jasqa tolǵanda;
2020 jylǵy 1 qańtardan bastap-59,5 jasqa tolǵanda;
2021 jylǵy 1 qańtardan bastap-60 jasqa tolǵanda;
2022 jylǵy 1 qańtardan bastap-60,5 jasqa tolǵanda;
2023 jylǵy 1 qańtardan bastap-61 jasqa tolǵanda;
2028 jylǵy 1 qańtardan bastap-61,5 jasqa tolǵanda;
2029 jylǵy 1 qańtardan bastap-62 jasqa tolǵanda;
2030 jylǵy 1 qańtardan bastap-62,5 jasqa tolǵanda;
2031 jylǵy 1 qańtardan bastap-63 jasqa tolǵanda.
Jasyna baılanysty zeınetaqy tólemderin taǵaıyndaý úshin eńbek ótilin esepteý kezinde:
1) jeke jáne zańdy tulǵalar tóleıtin eńbek sharttary boıynsha jumys;
2) áskerı qyzmet;
3) arnaýly memlekettik jáne quqyq qorǵaý organdaryndaǵy qyzmet, memlekettik feldegerlik qyzmet;
4) Memlekettik qyzmet;
5) Kásipkerlik jáne tabys ákeletin ózge de qyzmet;
6) birinshi toptaǵy múgedektigi bar adamǵa, ekinshi toptaǵy múgedektigi bar jalǵyzbasty adamǵa jáne jasy boıynsha syrttan kómekke muqtaj zeınetkerge, sondaı-aq seksen jasqa tolǵan qarttarǵa kútim jasaý ýaqyty;
7) 18 jasqa deıingi múgedektigi bar balany kútý ýaqyty jáne t. b.
Spıkerdiń málimetinshe, jyl bastalǵaly jeti aı ishinde jasyna baılanysty zeınetaqy tólemi boıynsha 4280 ótinim berildi.
Memlekettik bazalyq zeınetaqy tólemi boıynsha 4871 jáne portal arqyly ótinim bergender 18, Halyqqa qyzmet kórsetý ortalyǵy boıynsha 4853 ótinim berilgen.