Qorǵanys mınıstriniń birinshi orynbasary – Qazaqstan Respýblıkasy Qarýly kúshteri Bas shtabynyń bastyǵy general-leıtenant Sultan Qamaletdınov jáne Qorǵanys mınıstrligi apparatynyń basshysy polkovnık Erbol Qumarbekuly Belarýs Respýblıkasy Qarýly kúshteri Bas shtabynyń qurylý kúnine arnalǵan is-sharaǵa qatysty.
Sapar aıasynda Qazaqstan Qorǵanys mınıstrliginiń ókilderi 1941 jyldyń maýsym-shilde aılarynda nemis-fashıst basqynshylarynyń alǵashqy soqqysyn qabyldaǵan Brest bekinisiniń qaharman qorǵaýshylaryn eske aldy, dep habarlaıdy aqshamnews.kz Qorǵanys mınıstrligine silteme jasap.
Mınsk qalasynda Qarýly kúshter Bas shtabynyń bastyǵy general-leıtenant Sultan Qamaletdınov Belarýs áriptesi general-maıor Pavel Mýraveıkomen kezdesti.
Taraptar SHYU, TMD, UQSHU sheńberindegi yntymaqtastyq aspektilerin qozǵap, óńirlik qaýipsizdik pen ekijaqty qatynas máselelerin talqylady.
– Bıylǵy jyly Qazaqstan men Belarýs aýmaǵynda eki el bólimsheleriniń qatysýymen birneshe is-sharalardy ótkizýge múmkindik týdy. Onyń barlyǵy sapa men syndarly tásilmen erekshelenedi. Bizdiń áskerı qyzmetshiler ekinshi ret qatysyp otyrǵan «Erlik pen sheberlik» synaqtaryn uıymdastyrýdyń joǵary deńgeıi úshin alǵys bildiremin, – dep naqtylady ol.
Belarýs joǵary oqý oryndarynda bizdiń áskerı qyzmetshilerimizdi daıarlaý sapasyn atap ótken Qazaqstan Qorǵanys mınıstriniń birinshi orynbasary áskerı oqý oryndarynyń profesorlyq-oqytýshylar quramymen ózara almasýdy uıymdastyrý múmkindigin qarastyrýdy usyndy.
Kezdesýde Qazaqstan Qarýly kúshteri qolbasshylyǵynyń ókili Uly Otan soǵysyndaǵy Jeńistiń 80 jyldyǵyna jáne Keńes Odaǵynyń Batyry Álıa Moldaǵulovanyń 100 jyldyǵyna arnalǵan is-sharalar týraly habardar etti. General-leıtenant Sultan Kamaletdınov Belarýs sývorovshylarynyń jaqsy daıyndyǵyn atap ótip, olardy 2025 jyly «Aıbyn» áskerı-patrıottyq jıynyna qatysýǵa shaqyrdy.
Taraptar jaýyngerlik, kadrlyq jáne bitimgerlik daıyndyq jelisi boıynsha ózara tıimdi yntymaqtastyqty nyǵaıtýǵa qyzyǵýshylyq bildirdi.