Almatynyń Bas botanıkalyq baǵynda «Jasyl reındjer» bilim berý jobasynyń qorytyndy is-sharasy ótti.
Úsh aılyq birlesken jumystyń nátıjesinde jas volonterlerge aǵashtardy kútip baptaý, sýarýdyń tımidi tustary jaıly dáris oqylǵan.
«Qaladaǵy aǵashtarǵa erekshe nazar aýdarý qajet: olar jabaıy aǵashtarǵa qaraǵanda álsiz bolady, sondyqtan olar únemi baqylaý men kútimdi qajet etedi. Osy jobanyń arqasynda men jańa bilim men daǵdylardy ıgerip qana qoımaı, ózimdi qorshaǵan ortany jaqsartýǵa umtylatyn komandanyń bir bóligi retinde sezindim. Men joba uıymdastyrýshylaryna osy qundy jáne mańyzdy bastamaǵa qatysýǵa múmkindik bergeni úshin alǵysymdy bildiremin. Bizdiń qyzmetimiz qalany kógaldandyrýǵa úlken úles tıgizedi degen senimdemin. Dáriskerler bizge ósimdikterge qalaı durys kútim jasaý, aýrýlardyń aldyn alý jáne aýrý aǵashtardy qalaı qalpyna keltirý týraly qundy bilim berdi», - deıdi joba qatysýshysy Aıdana Sabıtova.
Osy rette, aǵashtarǵa sý quıý erekshelikterine toqtala ketsek. Maýsym-shilde aılarynda jas aǵashtardy ár apta saıyn sýarý kerek - árqaısysy úshin eki shelek sý qajet, biraq 7 jastan asqan aǵashtardy eki apta saıyn sýarýǵa bolady, biraq sýdyń mólsherin eki ese arttyrý kerek. Tamyz aıynan bastap baqshanyń jas jáne kári aǵashtaryn aıyna bir ret sýarý kerek. Tamshylatyp sýarý ádisi óte tıimdi, sondyqtan ony múmkindigine qaraı ony qoldanǵan jón.
Sýarǵan soń nemese qatty jańbyrdan keıin jas aǵashtardyń janyndaǵy topyraǵyna qarashirik seýip, birneshe santımetrge deıin topyraqty qopsytý qajet.
«Jasyl reındjer» jobasynyń ereksheligi – bıyl onyń qorytyndysy boıynsha aqparattyq materıaldar ázirlenetin bolady: olardyń ishinde aýrý aǵashtardy dıagnostıkalaý jáne emdeý jónindegi nusqaýlyqtardy qosa alǵanda, dáristik jáne praktıkalyq sabaqtar týraly negizgi aqparat bolady. Bul joba aýdıtorıasyn keńeıtýge múmkindik beredi», - deıdi Urban Forum Kazakhstan QQ dırektory Ádil Nurmaqov.
Eske sala keteıik, 2023 jyldyń maýsymynan qyrkúıegine deıin konkýrstyq irikteýden ótken 12 volonter Botanıka jáne Fıtoıntrodýksıa Instıtýtynyń jetekshi mamandarynan dárister kýrsynan ótken.
