Deklarasıany merziminde usynbaǵany úshin QR ÁQBtK ákimshilik jaýapkershilik qarastyrylǵan.
Almatyda 250.00 nysanyndaǵy deklarasıany áli 30 195 adam tapsyrǵan joq, dep habarlaıdy Almaty-akshamy.kz QazAqparatqa silteme jasap.
Almaty qalasy Memlekettik kirister departamentiniń málimetinshe, bıylǵy jyldyń 1 qańtarynan bastap jalpyǵa birdeı deklarasıalaýdyń ekinshi kezeńi bastalǵan. Ekinshi kezeń sheńberinde jeke tulǵanyń aktıvteri men mindettemeleri týraly deklarasıany 250.00 nysany boıynsha memlekettik mekemelerdiń, kvazımemlekettik sektor sýbektileriniń qyzmetkerleri, sondaı–aq olardyń jubaılary usynýy tıis.
«Almaty qalasy boıynsha jalpyǵa birdeı deklarasıalaýdyń ekinshi kezeńi sheńberinde 152 484 jeke tulǵa deklarasıa tapsyrýǵa mindetti. Deklarasıany tapsyrý merzimi 15 qyrkúıekte aıaqtalady. Alaıda, 30 195 adam óz mindettemelerin áli oryndamady. Deklarasıa usynbaǵan jeke tulǵalardyń jalpy sanynyń 61% - y nemese 18 440-y bilim berý, densaýlyq saqtaý, mádenıet jáne sport salasynyń qyzmetkerlerine, qalǵany kvazımemlekettik sektor qyzmetkerlerine tıesili», - dep habarlady Almaty qalasy Memlekettik kirister departamentiniń baspasóz qyzmeti.
Deklarasıany elektrondy túrde «Salyq tóleýshiniń kabıneti» (cabinet.salyk.kz), «elektrondyq úkimet» portaly arqyly (egov.kz), sondaı-aq esalyq azamat mobıldi qosymshasynyń kómegimen tapsyrýǵa bolady. Sondaı-aq barlyq suraqtar boıynsha biryńǵaı baılanys ortalyǵyna 1414 nómirine habarlasýǵa bolady.
Esterińizge sala keteıik, taıaý kúnderi qate ketken deklarasıany túzetý múmkindigi jaıly aqparat bergen bolatynbyz. Qate toltyrylǵan deklarasıany túzetý týraly myna jerden oqı alasyzdar.