Almatynyń jasyl qoryn qurý jáne saqtaý qala ákimdigi jumysynyń negizgi basymdyqtarynyń biri bolyp tabylady. Bul týraly Almaty máslıhatynyń kezekten tys XII sesıasynda megapolıs ákimi Erbolat Dosaev málimdedi.
Qala basshysy aǵymdaǵy jyly alańy 64,8 ga 6 qoǵamdyq keńistik abattandyrylǵanyn, 250 myń aǵash pen buta otyrǵyzylǵanyn, osy jyldyń jeltoqsan aıynyń sońyna deıin olardyń sany 320 myńǵa deıin ulǵaıtylatynyn, bul İle-Alataý Ulttyq parkiniń jasyl jelekterin esepke almaǵanda, bir adamǵa shaqqanda jasyl ekpelerdiń alańyn 11,3-ten 12,3 sharshy metrge deıin ulǵaıtýǵa múmkindik beretinin aıtty.
Almatydaǵy jasyl ekpelerdi avtojýý júıesi 34 skvajına men sý qabyldaǵyshtardy salý esebinen 4,4 ese kóp aýmaqty – 587 gektarǵa deıin (2022 jyly 132 gektardan) qamtydy.
"Bıyl 103,5 shaqyrym aryq jelisi, 19 kolektor, 9 kanal alyndy jáne rekonstrýksıalanady. Atqarylǵan jumystardyń arqsanyda sý basyp qalýdyń barlyq 102 ýchaskesi joıyldy, olar nóser jańbyr kezinde bizdiń azamattarymyzǵa problema týdyrdy. 2024 jyldyń sońyna deıin jalpy 376 shaqyrym aryq jelisi salynyp, qaıta jańartylady, oǵan 10,9 mlrd teńge qarastyrylǵan", - dep atap ótti Erbolat Dosaev.
Budan basqa, 2024 jylǵa arnalǵan búdjette Alataý aýdanyndaǵy Saıran kóli men "Sosnovyı bor" jańa jasyl qoǵamdyq keńistikter qurýǵa qarjy qarastyrylǵan.