Jastyq - tájirıbe jınaıtyn, ózimizdi jáne álemdi tanıtyn keremet shaq. Alaıda árbir adam keıin ókinetin qandaı da bir qatelikter jiberedi. Bul qatelikter jaıly jeke brend boıynsha maman Anastasıa Kere Marie Claire-ge aıtyp berdi, dep habarlaıdy Almaty-akshamy.kz massaget.kz-ke silteme jasap.
Úlkenderden alshaq bolǵysy kelý
Jas kezde kóptegen adam ata-ájelerden, úıdiń úlkenderinen, týystardan alshaq júrgisi keledi. 40 jasqa jaqyndaǵanda rýyńyz jaıly, ata-babalaryńyz jaıly bilgińiz keletin bolady, biraq ol kezde suraıtyn eshkim bolmaýy múmkin ekenin umytpańyz.
Tezirek otbasyn qurǵysy kelý
Bir jaǵynan, jastyq kezde mahabbat birinshi kezekke shyǵady. Basqa jaǵynan qaraıtyn bolsaq, adam áli tolyqtaı ózin tanyp bitpeı, ózine sáıkes serik tapqysy keledi. Mysaly, jas kezde psıhologqa barýǵa nemese bizdiń psıhıkamyz qalaı jumys isteıtinin zertteýge, aınaladaǵy álemge analız jasaýǵa bolady. Ómirden ne qalaıtynyńyzdy jáne ózińizdiń qandaı ekenińizdi túsingen kezde sizge saı keletin serik te jolyǵady.
Aqsha ustaı almaý
Ómirde nemen aınalysqyńyz keletinin anyqtańyz. 30 jasqa deıin túrli baǵytty baıqap kórińiz.
Basqalardyń pikiri boıynsha júrý
Ózińizdi, óz isińizdi, ómirdegi óz ornyńyzdy tabý sizdiń ishki qalaýyńyz ben qajettiligińizge baılanysty bolýy kerek. Aınaladaǵylardyń pikiri boıynsha ómir súrýdiń qajeti joq. Árıne, jaqyndaryńyzdyń senimdi keńesterin de elemeı qoımańyz, biraq kóp jaǵdaıda ózińizdiń ishki qalaýyńyzdy tyńdańyz.
Ata-anany qabyldamaý
Jastyq kezde ata-anańyzdy qalaı bar, solaı qabyldaý qıynǵa soǵýy múmkin. Biraq bul qajet nárse. Sebebi ony qabyldamasańyz, ata-anaǵa degen narazylyq jyldan jylǵa arta beredi. Ásirese, ózińizde bala bolǵan kezde qıyn bolýy múmkin.
Sondyqtan ata-anamyz bizdi basqa zamanda tárbıelegenin túsinýge tyrysyńyz. Ol kezdegi zaman talaby men erejeleri basqa boldy. Olardyń mahabbat tili bizge túsiniksizdeý bolsa da, olar bizdi jaqsy kóredi. Bizde basqa áke men sheshe bolmaıdy. Olar bizdi jaqsy kóredi, biz olardy jaqsy kóremiz. Muny qanshalyqty erte túsinseńiz, sonshalyqty jaqsy. Eshkimdi ózgerte almaısyz, siz tek qabyldap úırene alasyz.
Deneńizge degen durys emes qarym-qatynas
Bireýler densaýlyǵyna múldem mán bermeıdi, al keı adamdar, ásirese, qyzdar ózderin dıetalarmen qınaıdy. Olar "jalpyǵa ortaq standarttarǵa" saı bolǵysy keledi. Ózińizdi qabyldap jáne aqparat aǵynyn saralap úırený mańyzdy. Salaýatty ómir saltyn ustanýǵa tyrysyńyz.
Qatelikterden sabaq alǵysy kelmeý
Jastardyń basty qateligi - qatelikterdi beker dep sanaý: olardan esh nátıje shyǵarmaý, baǵaly tájirıbe almaý. Ótken tájirıbeni eskerip, josparlarǵa túzetýler engizip, ary qaraı jyljý kerek. Ómir - syı, adamdar - ustazdar, al oqıǵalar - ózin-ózi taný jolyndaǵy qadamdar.