Almaty ákimi Erbolat Dosaev Ortalyq komýnıkasıalar qyzmetinde ótken brıfıńte qalada kóshet otyrǵyzýdyń jańa erejesin jetkizdi.
Aıtýynsha, bıyl qalalyq máslıhat jańa tujyrymdama qabyldaǵan, dep habarlaıdy Almaty-akshamy.kz.
«Bıyldan bastap sýarý júıesi joq jerge aǵash otyrǵyzylmaıdy. Tamyrlanyp ósip ketýi úshin 2-2,5 metrden alasa kóshet egilmeıdi. Buǵan deıin kóshetterdiń 30-40% óspeı qýrap qalsa, endi ony 10%-ǵa deıin tómendetemiz. Al qýraǵan nemese apatty jaǵdaıdaǵy aǵashty kesý úshin 8 aýdanǵa 5,5 myń kvota berdik. Buryn ekologtar keı aǵashtardy kesýge tyıym salatyn. Qazir onyń jolyn taptyq. «Myna aǵashty kesý kerek, qulaıyn dep tur» dep turǵyndar ózderi hat jazady. Sodan keıin biz baryp, tekseremiz», - dedi shahar basshysy Astanada ótken brıfıńte.
Aıta keteıik, Almatyda bıyl kóktemde 20 myń kóshet otyrǵyzyldy. Negizinen egý jumystary kúzde júrgizildi, sebebi jyldyń osy mezgili kóshetterdiń tamyrlanyp ósip ketýine yńǵaıly. 2023 jyly barlyǵy 320 myń aǵash otyrǵyzylyp, 2,3 mln aǵashqa 4 ret bıologıalyq óńdeý júrgiziledi.