Almaty qalasy Jastar saıasaty basqarmasynyń qoldaýymen Bostandyq aýdanynda "Career Day" bos oryndar jármeńkesi ótti.
"Career Day" - bul úzdik kompanıalar ózderiniń bos jumys oryndary men daryndy mamandar úshin múmkindikterin usynatyn alań, dep habarlaıdy Almaty-akshamy.kz.
İs-sharaǵa IT, qarjy, bilim berý jáne t.b ártúrli saladaǵy jetekshi kompanıalar atsalysty. Qatysýshylar arasynda bos jumys oryndaryn usynýǵa daıyn iri korporasıalar da, perspektıvaly startaptar da boldy.
«Qala, aýdan jastaryna arnalǵan bos jumys oryndarynyń jármeńkesi uıymdastyryldy. Aýdanymyzdyń áleýeti joǵary. İri kásiporyndar, kóptegen jumys oryndary da osynda. Sondyqtan eki qolǵa bir kúrek tabalady. Igi ister kóp bolsyn», - dedi Bostandyq aýdany ákimi orynbasary Sáken Aralbaev.
Sonymen qatar eńbek isteýge kóptegen nıetti jastar shoǵyry baıqalady. Olar ómirden óz jolyn taýyp, úlken maqsattarǵa umtylatynyn jetkizdi.
«Biz jaspyz. Bolashaqqa josparlaǵan biraz ister bar. Endigi kezekte oılaǵan sharýany istep, nátıjege jetsek dep talpynyp júrmiz», - dedi jas maman Ańsar Ergen.