Prezıdent jarıalaǵan Jumysshy mamandyqtar jyly aıasynda Soltústik Qazaqstan oblysy Iavlenka aýylynda Jumysshy mamandyqtar festıvali uıymdastyryldy. Bul týraly Aqshamnews.kz saıty habarlaıdy.
İs-sharaǵa óńirdiń 20 koleji qatysyp, jastarǵa suranysqa ıe mamandyqtar týraly aqparat berip, bilim berý baǵdarlamalaryn tanystyrdy. Jumysshy kásipterine degen qyzyǵýshylyqty arttyrý – basty maqsattardyń biri boldy.
Oblys ákimi Ǵaýez Nurmuhambetov festıválge qatysyp, 15 kolejde 16 jańa mamandyq ashylatynyn jetkizdi. Onyń 14-i – jumysshy baǵytyndaǵy mamandyqtar. Sonymen qatar Petropavl mektepterinde «avtoslesar» men «elektrık» synyptary ashylyp jatyr.
Jumysshy kadrlarǵa suranysty eskere otyryp, memlekettik tapsyrys 1742 grantqa deıin ulǵaıtyldy. Túlekterdiń jumysqa ornalasý kórsetkishi – 98%, bul salada naqty nátıje bar ekenin kórsetedi.
7 myń túlek túrli kásibı baıqaýlarǵa qatysyp, 29 myń oqýshy óndiris oryndarynda tájirıbe aldy. WorldSkills chempıonatynda óńir stýdentteri 7 medal jeńip aldy.
Jyl sońyna deıin jas mamandar forýmy, sheberlik sabaqtary jáne jańa mamandyqtar atlasy ázirlenbek. Bul bastamalar jastardyń kásipti sanaly tańdaýyna yqpal etedi.