Turǵyn úı tek 5 jyl merzimge beriledi
Jumys isteıtin jastar úshin satyp alý quqyǵynsyz jalǵa beriletin turǵyn úı jekeshelendirýge jatpaıdy, dep habarlaıdy Almaty-akshamy.kz.
Nur-Sultan qalasy ákimdiginiń Turǵyn úı qory mekemesine silteme jasap.
Indýstrıa jáne ınfraqurylymdyq damý mınıstrliginiń aqparatyna sáıkes «Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasy sheńberinde berilgen jalǵa beriletin turǵyn úıdi jekeshelendirý múmkindigi týraly usynys qabyldanbady.
«Turǵyn úı tek 5 jyl merzimge beriledi, ıaǵnı 5 jyldan keıin siz baǵdarlama sharttaryna sáıkes berilgen turǵyn úıdi bosatýyńyz kerek. Osy baǵdarlama boıynsha satyp alý quqyǵynsyz jalǵa beriletin turǵyn úıdi alǵandardyń barlyǵyna turý ýaqyty ishinde «Otbasy bank» AQ-ǵa óziniń páterine bastapqy jarnany jınaqtaýdy usynamyz», delingen habarlamada.
«Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasy – bul jumys isteıtin jastardyń óz baspanalaryna aqsha jınaqtaý múmkindigine ıe bolýy úshin memleketten qoldaý.
Baǵdarlama boıynsha jaldaý shartyn buzý sharttary:
1) 6 aıdan artyq jaldaý aqysyn tólemeý;
2) 3-shi adamdarǵa páterdi tapsyrý;
3) ótinish berýshide nemese onyń otbasy múshelerinde menshik quqyǵynda múliktiń bolýy;
4) jaldaý shartynyń 5 jyldyq merziminiń aıaqtalýy.