GGG endi BoxRec reıtıńinde ekinshi orynda tur
Qazaqstandyq boksshy Gennadıı Golovkın (42-1-1, 37 KO) álemniń úzdik boksshylary reıtıńinde kóshbasshy pozısıasynan aıyrylyp qaldy, dep habarlaıdy Almaty-akshamy.kz QazAqparatqa silteme jasap.
Boxrec.com saıty japondyq Rıota Mýratany (16-3, 13KO) jeńgen Golovkınniń reıtıńin kezekti márte jańartty.
Endigide Gennadıı Golovkın salmaq sanatyna qaramastan barlyq boksshylar engen (pound-for-pound) BoxRec reıtıńinde ekinshi orynda tur. Onyń upaıy – 688,7. Aıta keteıik, atalǵan resýrs GGG-di Mýratamen aıqastan keıingi kelesi kúni birinshi orynǵa shyǵarǵan bolatyn.
Boxrec.com reıtıńinde birinshi oryn qaıtadan maksıkalyq boksshy Saýl «Kanelo» Alvareske (57-1-2, 39KO) berildi, 869,7 bal.
Álemniń úzdik boksshylarynyń úshtigin amerıkalyq Terens Kroýford (38-0, 29KO) túıindep tur, 513,6 bal.⠀
Eske salaıyq, bıylǵy 9 sáýirde Rıota Mýratamen jekpe-jekte Gennadıı Golovkın WBA Super, IBF jáne IBO nusqalary boıynsha orta salmaqtaǵy álem chempıony beldikteriniń ıesi boldy.