QR Prezıdenttigine kandıdat Meıram Qajyken Aqtóbede Marat Ospanov atyndaǵy Batys Qazaqstan medısına ýnıversıtetiniń stýdentteri jáne profesor-oqytýshylarymen kezdesti.
M. Qajyken medısına qyzmetkerlerine laıyqty eńbekaqy tóleý qajettigin, sonymen birge respýblıkalyq búdjet tarapynan densaýlyq saqtaýdyń barlyq salasyn qarjylandyrý kerek ekenin atap ótti, dep habarlaıdy Almaty-akshamy.kz.
«Bul medısına salasyndaǵy kadrlardyń jetispeýshiligine alyp keletin ózekti másele. Medısına qyzmetkerleriniń tapshylyǵyn joıý úshin, dárigerlerdiń áleýmettik jáne quqyqtyq qorǵalýy jáne olardyń jalaqysyn arttyrý úshin ilkimdi sharalar qajet. Bul meniń mindetterimniń biri. Bul damýdy qajet etetin áleýmettik seriktestiktiń mindeti», - dedi úmitker.
Sondaı-aq Meıram Zekeshuly Dúnıejúzilik densaýlyq saqtaý uıymy bul salany eldegi JİÓ-niń 6% - kólemde qarjylandyrýdy usynatynyn mysal etti. «Al bizde qarjylandyrý JİÓ-niń 1,4 paıyzyn quraıdy. Zor aıyrmashylyq baıqalady», - dedi M. Qajyken.
Bolashaq mamandardy turǵyn úı satyp alý jáne jumysqa ornalasý múmkindigi sıaqty taqyryptar da qyzyqtyrdy.
«Meniń baǵdarlamamda jastarǵa erekshe kóńil bólinetini atap ótildi. Óıtkeni olar elimizdiń bolashaǵyn qurýda. Jastarǵa barlyq joldardy ashyp, ózin-ózi damytýǵa, úı satyp alýǵa, kásibı karerasyn qurýǵa barlyq múmkindikter jaratýymyz qajet. Óıtkeni, adam áleýmettik máselelerge qanshalyqty az kóńil bólse, soǵurlym ol jumysqa jáne óziniń kásibıligin arttyrýǵa kóp kóńil bóledi. Bul jalpy el ekonomıkasyna áser etedi», - dedi ol.
Kezdesý sońynda M.Qajyken Aqtóbede saılaýshylardyń suraqtary men tilekterin qabyldaıtyn shtab jumys isteıtinin aıtty. Senim bildirilgen adamdar kandıdattyń saılaýaldy tuǵyrnamasy týraly tolyǵyraq aıtyp, onyń atyna azamattardyń ótinishterin qabyldaı alady.