Nesıe "Agrarlyq kredıttik korporasıa" AQ arqyly beriletin bolady.
Bul baǵdarlamaǵa 29 mlrd teńge bólingen, dep habarlaıdy Almaty-akshamy.kz
Eńbek jáne halyqty áleýmettik qorǵaý vıse-mınıstri Oljas Ordabaevtyń aıtýynsha, jastarǵa arnalǵan 2,5 paıyzdyq mıkronesıe berý baǵdarlamasy naýryz aıynda bastalady.
"Baǵdarlama naýryz aıynda bastalady. Qazirgi kezde ákimdiktermen kelisimshartqa qol qoıý prosesi júrgizilýde", - dedi vıse-mınıstr tilshiniń saýalyna bergen jaýabynda.
Oljas Ordabaevtyń aıtýynsha, mıkronesıeleý baǵdarlamasyna 29 mlrd teńge bólingen.
"Bul 5,8 myń adamdy qamtýǵa múmkindik beredi. Qaryzdyń eń joǵary somasy – 5 mln teńge. Nesıeleý merzimi mal sharýashylyǵyn qospaǵanda, kez kelgen maqsat úshin 5 jylǵa deıin bolýy múmkin. Bul qyzmet baǵyty úshin 7 jylǵa deıin bolady", - dep atap ótti ol.
QR EHÁQM Halyqty jumyspen qamtý departamenti dırektorynyń orynbasary Aıjan Japalbaevanyń sózinshe, kepildikke jyljymaıtyn múlik pen arnaıy tehnıka qoıylady.