Olarǵa birqatar shekteý qoıylǵan.
Óńirlik komýnıkasıalar qyzmetiniń brıfıńine Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamentiniń basshysy Ildar Úısimbaev qatysty, dep habarlaıdy Almaty-akshamy.kz
Onyń aıtýynsha, memlekettik qyzmetshilerge áleýmettik jelilerde paraqshalar ashýǵa ruqsat etilgen, biraq belgili bir shekteýler bar.
Memleket basshysy halyqpen tıimdi jáne sapaly qarym-qatynas jasaý úshin memlekettik qyzmetshilerdiń áleýmettik jelilerde bolýynyń mańyzdylyǵyn «árbir memlekettik qyzmetshi qadaǵalanatyn máseleler boıynsha áleýmettik jelilerde belsendi bolýy kerek» dep birneshe ret atap ótken bolatyn Memlekettik qyzmetshilerdiń jeke paraqshasyn júrgizýinde departamentte atap ótkendeı, birqatar shekteýler bar.
«Áleýmettik jelilerdegi paraqshalardyń mazmunyna qatysty azamattardy arandatpaýǵa jáne memlekettik organdarǵa degen senimge nuqsan keltirmeýi tıis tustar bar. Memlekettik qyzmetshilerge qymbat kólikterdiń, sándi ǵımarattardyń, meıramhanalardyń jáne t.b. fonynda oıyn-saýyq oryndarynda túsken fotosýretterin jarıalaýǵa tyıym salynady. Memlekettik qyzmetshi jumys ýaqytynan tys ýaqytta da jalpy qabyldanǵan moraldyq qaǵıdalardy ustanýy kerek», - dep túsindirdi spıker.
Atalǵan shekteýlerden basqa, Ádep kodeksine sáıkes, memlekettik qyzmetshiler memlekettik qyzmettiń bedelin túsiretin aqparatty, tyıym salynǵan zattardy qoldaný arqydy ádepsiz minez-qulyqty kórsetetin fotosýretterdi jarıalamaýy jáne naqty dinı ustanymdaryn kórsetpeýi tıis.