Ádil Júnisov, saıasattanýshy:
1 qyrkúıek kúni Parlamenttiń qos palatasynyń birlesken otyrysynda Prezıdent halyqqa Joldaý jasady. Úndeýde balalar týraly jaqsy bastamalar aıtyldy. Naqtyraq aıtqanda, aldaǵy ýaqytta ulttyq qordyń 50%-y dúnıege kelgen bala 18 jasqa tolǵansha jeke shotyna aýdarylyp otyrylatyn bolady. Bul óte keremet, óıtkeni biz bolashaǵymyzǵa kóp kóńil bólip jatyrmyz. Eger bolashaǵymyzǵa alańdaıtyn bolsaq, onda balalardan bastaý kerek. Przeıdenttiń úndeýi bizdiń áleýmettik ómirimizdi jaqsartýǵa baǵyttalǵan bolatyn. Stýdentter men ósip kele jatqan balalarǵa kóp kóńil bólindi. Durys! Sebebi, qyzyl dıplomy bar keıbir jas mamandar bazarlarda jumys istep, kúnderin kórip jatyr jáne saýda úılerinde nemese kúzette jumys isteıdi. Qazir barlyq jastardy mamandyq boıynsha jumyspen qamtý úshin óndiristik kúshterdi bólýdi oılastyrý kerek. Qazirgi tańda jastardyń 7%-y – múldem jumyssyz. Osy máseleniń túıinin sheshý kerek. Eń aldymen, óndiristi kóterý qajet.