Qazaqstan Respýblıkasy Mádenıet jáne aqparat mınıstrligi «Jastar» ǵylymı ortalyǵymen birlesip, Memlekettik jastar saıasaty mektebi aıasynda birqatar semınar-trenıngter ótkizdi.
Astana, Taraz, Aqtóbe jáne Qaraǵandy qalalaryndaǵy jastar resýrstyq ortalyqtarynyń 100 mamany jańa bilim aldy, dep habarlaıdy almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
Trenıń taqyryptary arasynda oıynǵa táýeldilik pen reprodýktıvti densaýlyq máseleleri, BAQ-pen jumys isteý erekshelikteri, aqparattyq tehnologıalar boldy.
Qatysýshylar sonymen qatar Qazaqstan jastarynyń jalpy sanynyń 7%-yn quraıtyn NEET sanatyndaǵy jastarmen qarym-qatynas pen keńes berýdiń jańa tájirıbelerin meńgerdi.
Taqyryptar JRO mamandarynyń ózderi arasynda júrgizilgen saýalnama negizinde jáne ótken jyldar tájirıbesin eskere otyryp anyqtaldy. Trenıńtiń ózektiligi 2023 jyldyń naýryz aıynda kúshine engen jastar saıasaty salasyndaǵy zańnamalyq ózgeristerge de baılanysty boldy.